Бүгүн Павлов И.П. аатынан Өлөөннөөҕү оҕо успуорт оскуолатын саалатыгар Саха АССР үтүөлээх тириэньэрэ Николаев Борис Иванович сырдык кэриэһигэр анаммыт боксаҕа оҕолорго аһаҕас оройуоннааҕы турнир үөрүүлэээх быһыыга-майгыга арыллыыта буолла.

Күрэххэ улуус кииниттэн уонна тэйиччи сытар нэһилиэктэртэн 44 үөрэнээччи кыттыыны ылыаҕа.

Күрэхтэһиини арыйыы үөрүүлээх чааһыгар Борис Иванович эрчийбит-такыйбыт иитиллээччилэрэ — улуус баһылыгын бастакы солбуйааччыта Альгис Сергеев, Өлөөн нэһилиэгин баһылыга Николай Семенов, Өлөөн боксердарыттан бастакынан успуорт маастара буолбут Стас Павлов убайа Прокопий Павлов, оҕо успуорт оскуолатын дириэктэрэ Василий Христофоров тириэньэрдэрин үтүө тылынан аҕыннылар, кыттааччыларга ситиһиилэри баҕардылар.

Источник: https://xn--80aaaaaqemr0d4akx.xn--p1ai/