Өлөөн оройуона Бүтүн Россиятааҕы чемпионакка көхтөөх кыттыыны ылла!

Алтынньы 15 күнүттэн сэтинньи 15 күнүгэр диэри дойду үрдүнэн скандинавскай, фоновай уонна спортивнай хаамыы «Человек идущий» диэн чемпионата буолан ааста. Чемпионат «муниципалитеттар» диэн категориялаах, кыттааччылар тыһыынча аҥара кэриҥэ хамаанда мустубут! Бу категорияҕа биһиги оройуоммут хамаандата «Оленекский район. Шаг за шагом!» кыттыыны ылла. 

Күндү биир дойдулаахтарбытыгар актыыбынаһын иһин куруутун махтанабыт. Набор туһунан биллэрбит курдук, баҕалаах элбэх этэ. Ол курдук, түргэнник 22 киһилээх хамаанда мустубута. Саамай улахан саастаах кыттааччыбыт — 80 саастаах, саамай кыра — 25 саастаах. Манна оройуон ветераннарын Сэбиэтин председателэ Валентина Саввична Гаврильева ураты оруоллааҕын бэлиэтиэххэ наада. Кини ньыматынан хамаанда албан аат иҥэриллибитэ, бэтэрээннэрбит киирбиттэрэ.

Ол курдук, күрэхтэһиибит ыйа саҕаламмыта. кыттааччыларбыт күн аайы бэйэлэрин маршруттарын, хас хардыы аайы сылдьыбыттарын WhatsApp-группага суруйаллара олус диэн матыыптыыра, үөрдэрэ. Сорох хаартыскалары видеороликка көрүҥ.

Ый олус түргэнник ааста. Дьэ, маннык түмүккэ кэллибит. Ый иһигэр биһиги хамаандабыт 2 000-тан тахса километры хаамта, ол Өлөөнтөн Сахабыт сирин киин куоратыгар диэри сиринэн ырааҕа буолар. «Человек идущий» диэн сыһыарыы быһыытынан саамай элбэх хардыылаах кыттааччыларбыт ааттарын билэбит. Ол курдук биһиги хамаандабыт лидеринэн Котельникова Ирина Капитоновна буолла, кини 431 тыh. хаамыы киллэрдэ. Онтон үрүҥ көмүс миэстэ хаhаайката Игнатьева Марианна Егоровна буолла, кини 346 тыh. хаамыы киллэрдэ, боруонса мэтээл ылла Гаврильева Валентина Саввична, кини 282 тыh. тахса хардыылааҕа. Салгыы, кэлин, биһиги хамаандабыт толору испииһэгин оройуон хаһыатыгар хайаан да бэчээттиэхпит.

Онон, улахан дойдубут араас муннуктарыттан 532 хамаандаттан биһиги хамаандабыт уопсай түмүгүнэн 142 миэстэни ылла. Региональнай таһымҥа — 4 миэстэ. Биллэн турар, манна Кыайыы бэйэтэ эрэ сыаналаах буолбатах. Чөл олоҕу тутуһууга, актыыбынаһы уонна олоххо бэриниилээҕ буолунуу көрдөрөр суолталаах. Ол да буоллар, биһиги хамаандабыт чилиэттэргэр-актыыбыстаргар, чемпионатпыт сыалын-соругун өйдүүллэрин уонна  өйүүллэрин иһин махтанабыт. Кэлин личнай кабинекка тэрийээччилэр наҕараадалыыр докумуоннары ыытыахтара.

Чөл олоҕу тутуһуҥ, доруобай уонна дьоллоох буолуҥ!

Источник: @alyoshkaaaa14