Ахсынньы 13 күнүгэр Бүлүү улууһун Бөтүҥ нэһилиэгэр Е. Е. Соловьев кэриэһигэр үс көрүҥ ох саанан (классическай, блочнай, традиционнай) ытыыга , бэйэтэ толкуйдаан ыра санаа оҥостубут республикатааҕы күрэҕэ 55 сыллаах үбүлүөйдээх сылынан буолла. Күрэх сүрүн сыалынан Бөтүҥ спортивнай саалатыгар кини сырдык аатын үйэтитэн иҥэрии буолар. Күрэх ыҥырыылаах ыалдьыттара СР үтүөлээх тренерэ В.Н. Тимофеев, СР ох саанан ытыы сүрүн тренерэ М.М. Филатов Күрэх иккис чааһынан үс көрүҥ ох саанан ытыы кыттааччылары да, көрөөччүлэри да интириэһиргэттэ. Тыҥааһыннаах киирсии түмүгүнэн дьахталларга Марианна Игнатьева Өлөөн, эр дьоҥҥо Семен Петров Бүлүү улууһуттан бастакы миэстэни ыллылар. Дьахталларга иккис Валентина Евдокимов, Клара Спиридонова үһүс; эр дьоҥҥо Николай Васильев Бүлүү, Родион Николаев Горнай үһүс бочуоттаах миэстэлэри ыллылар. Муҥутуур кыайыылааҕынан Горнай улууһуттан Сергей Кондаков буолан үөрүү өрөгөйүн биллэ.