Муус устар 4 күнүгэр Өлөөн эбэ туонатыгар үгэс буолбут “Байанай-2026” булчут күнэ ыытылынна.

Быйылгы күрэххэ кыттааччы элбэх буолан хаһааҥҥытааҕар да сэргэхтик ааста уонна булчуттарга туһалаах буоллун диэн тэрийээччилэр арыый да атын көрүҥнэри киллэрбиттэр. Күрэх саҕаланыытыгар “Өлөөн” сопхоус саҕаттан булчутунан үлэлээн  кэлбит уонна билигин үлэлии сылдьар булчуттарга Саха  Өрөспүүбүлүкэтин ведомстволарын, тустаах министиэристибэлэрин ааттарыттан Бочуот грамоталара, Махтал суруктар, эҕэрдэ суруктар туттарылыннылар.

Дьахталлар 9 буолан 3 этаабынан-сыал ытыытыгар, сэтиини тиэйэн өтүүлээһиҥҥэ, үҥүү быраҕыытыгар күрэхтэстилэр. Тыҥааһыннаах куоталаһыы түмүгүнэн Лариса Иннокентьевна Игнатьева бастаан “Дружба”эрбии, үрүллэр матараас- спонсор Яков Ануфриевич Христофоров, чулуу булчут, норуот хаһаайыстыбатын үтүөлээх үлэһитэ Семенова Прасковья Семеновна кыыһа, сиэнэ АБДЬ кыттыылааҕа Андреев Иннокентий туруорбут харчынан бириистэринэн наҕараадаланна. 2 миэстэни Елена Николаевна Александрова ылан уу анныгар көрөр камера, илим уонна удьуор булчут Конон Егорович Афанасьев аатынан оҕолоро, сиэннэрэ олохтообут харчынан бириистэрэ туттарылынна. 3 миэстэҕэ Мария Иннокентьевна Степанова тахсан хомуллар кириэһилэ, электроплита, Софронов Василий Софронович аатынан сиэннэрэ туруорбут харчынан бириэмийэлэри тутаннар үөрүү өрөгөйүн биллилэр.

Кыттыбыттарын иһин кыргыттар бары урут булчутунан үлэлээбит дьоннорун ааттарын үйэтитэр туһуттан оҕолоро, сиэннэрэ олохтообут өйдөбүнньүк бириистэрэ туттарылыннылар.

Эр дьоннорго 56 саастаахтартан үөһээ бастакы миэстэни  Кирбэй хоһууна Александр Николаевич Андреев эрэллээхтик ылан Святослав Дмитриевич Константинов дьиэ кэргэнэ олохтообут “Дружба” эрбии, саха быһаҕа, Егоров Прокопий Михайлович оҕолоро олохтообут бириистэрин тутта. Павлов Алексей Александрович иккис миэстэни ылан  балаакка оһоҕунан-бирииһи олохтоото Николаев Христофор Васильевич, Афанасий Николаевич Семенов, Макаров Яков Христофорович оҕолоро олохтообут харчынан бириистэрин туттардылар. Үһүскэ эрэллээхтик кыайан туттар мал нобуора, сверло нобуора, Бечет Афанасьевич Бенчик аатынан сиэннэрэ олохтообут харчынан бириистэрин  тутта.

Орто саастаах булчуттар бөлөхтөрүгэр бастакы миэстэни Аскалон  Христофорович Николаев бастакынан биэтэккэ кэлэн уот мотуора, саха быһаҕа, Боеков Игнатий Спиридонович аатынан уола Сергей Игнатьевич бирииһин хаһаайына буолла. Иккис миэстэҕэ кэлбит Николай Ильич Николаев шатер балаакка, муҥха, күн күүһүнэн үлэлиир панелы, кадровай булчут Семенов Василий Данилович кыргыттара олохтообут харчынан бириистэрин  тутта. Үһүс  миэстэни Александр Александрович Корякин уһанарга туттар мал нобуора, уу аннынан илим үтэргэ аналлаах торпеда, болгарка бириистэринэн наҕараадаланна.

Эдэр уолаттарга күрэхтэһии өрүү даҕаны олус тыҥааһыннаахтык барааччы, эдэрдэр сатабыллара, түргэн-тарҕан хамсаныылара көрүөххэ үчүгэй. Күрэхтэһии түмүгүнэн  Иннокентий Степанов бастаан “Штиль” дружба , саха быһаҕа уонна кадровай булчут, Владимир Васильевич Долгунов аатынан бииргэ төрөөбүттэрэ, аймахтара уонна Павлов Николай Саввич кыыһа Синильга олохтообут харчынан бириистэрин ылла. 2 миэстэни ылбыт Зиновий Егорович Лганов “Скаймен” аныгылыы балаакка-спонсор Попов Николай Анатольевич, термос, чулуу булчут Николаев Петр Николаевич аатынан бирииһи уола Сааскылаах бөһүөлэгин баһылыга Николаев Алексей Петрович  олохтообут  харчынан бирииһин хаһаайына буолла. 3 миэстэни Влад Николаев ылан мотуорга хатанар винт, шуруповерт- Ануфрий Павлович Христофоров балтыларын, булчут, алгысчыт Сергеев Василий Андреевич оҕолоро олохтообут харчынан бириистэрин тутта.

Булчут күнүн биир ураты күрэҕинэн улахан ыйааһыннаах кыыл таба этин көтөҕүү буолла, бу күрэххэ 42 төгүл үөһээ анньан Аял Боескоров кыайыылааҕынан буолла. Уонна 70 киилэ ыйааһыннаах кыыл таба этин илдьэ барар чиэскэ тигистэ. Арассыыйа булчуттарын реестиригэр киирбит 1000-нан ахсааннаах булчуттар истэриттэн 100-чэкэ киһи харчы хомуйан бириистиир пуонда оҥоһуллан бириистэр Дьокуускай куораттан атыылаһыллан кэллилэр. “Байанай-2026” күрэх тэрээһинигэр сүүрбүт-көппүт Мирослав Иванович Ивановка, Марина Христофоровна Николаеваҕа, Өлөөн нэһилиэгин баһылыгар Николай Николаевич Семеновка, Христофор Павлович Васильевка, Ануфрий Иванович Бятинскайга, “Илкээнньи” КК үлэһитигэр Айна Васильевна Новгородоваҕа, Михаил Христофорович Андреевка, Владислав Парфеньевич Александровка, харчынан бириистэри туруорбут хоһуун булчуттар оҕолоругар, аймахтарыгар, сиэннэригэр бириис пуондата хаҥыырыгар көмөлөспүт тэрилтэлэргэ, оройуон олохтоохторугар бу күн кыахтаахтык, баардаахтык барарыгар ис сүрэххититтэн өйөөбүккүтүгэр, үгэс быһыытынан үрдүк тэрээһиннээхтик барарыгар сүүрбүккүтүгэр-көппүккүтүгэр булчуттар, кыттааччылар  ааттарыттан махтанабын. Өлөөн олохтоох дьаһалтата балаакка туруоран ыалдьыттары итии аһынан хааччыйбыттарыгар барҕа махтал буоллун, баардаах буолуҥ, баар буолуҥ! Эһиил булчут күнэ үгэс быһыытынан өссө үрдүк тэрээһиннээхтик ыытыллыа диэн баҕарабын.

Надежда Колодезникова.