Буоларын курдук Өлөөн эбэҥки национальнай оройуона ыытыллар күрэхтэргэ актыбынайдык кытынныбыт. Ол курдук, ыалдьыттары көрсүү сиэрэ-туома, талааннаах дьоммут уус-уран оҥоһуктарын быыстапка,култуурнай-спортивнай көрүҥнэргэ көхтөөхтүк кытынныбыт.
Туймаада туонатыгар сайыны көрсүү түһүлгэтигэр «Аякчаана», «Бэркэ Бэе» эдэр ыччаттар күрэхтэригэр, республика үрдүнэн кыргыттарга -7, уолаттарга -5 кыттааччы уопсайа 12 эдэр ыччат күөн көрүстүлэр. Эбэҥкилии тыыннаах Кэрэ көстүү уонна талаан күрэҕэр Өлөөн оройуонуттан Олеся Лавицкая-Дьэлиҥдэ, Юлиана Никифорова -Өлөөн, Юлиан Иванов-Кирбэй, Егор Николаев -Өлөөн үрдүк таһымнаахтык кыттан, кыайыы өрөгөйүн Юлиана Никифорова уонна Юлиан Иванов аҕаллылар.

Эбэҥкилии кэрэ таҥас көстүүтүн илиилэригэр талааннаах дьоммут Валентина Бурнашева, Мария Егорова, Наталья Бенчик тикпит таҥастарын көрдөрдүлэр, кыайыылааҕынан Мария Егорова буолла. Маны таһынан 1949 сыллаахха И.В. Сталиҥҥа Дьэлиҥдэ нэһилиэгин маастара Прасковья Николаева тикпит таҥаһын сөргүтэн тигиллибит таҥаспытын республика дьүүлүгэр таһааран бастакы улахан сүрэхтэниитин көрдөрдүбүт.

«Бакалдын-көмүс куолаһа» күрэххэ биһиги оройуонтан 5 киһи кыттыбытыттан Дьэлиҥдэ эдэр ыччата, медик Андрей Семенов кыайыылааҕынан буолла.

Бу тэрээһиннэргэ кэрэ эйгэни таптааччылар, сүгүрүйээччилэр биир сомоҕо буолан, көмөлөһөн үрдүк ситиһиини ситистибит. Маны барытын биһиги салайааччыбыт Надежда Николаева үлэһиттэрин, үҥкүүһүттэрин биир сомоҕо буолан үлэлииргэ үөрэппитэ, такайбыта, сыал туруорбута, сылаас тыыны киллэрэн, биир тэтиминэн үлэлээн маннык ситиһиилэри аҕаллыбыт.

Источник телеграм канал Управления культуры Оленекского района