Ээйиктэр оҕону үлэҕэ иитиигэ инники күөҥҥэ сылдьаллар

This content has been archived. It may no longer be relevant

Ээйик орто оскуолатын кэлэктиибэ (дириэктэр Кучарова М.В.) сылтан сыл ахсын оҕо сайыҥҥы сынньалаҥын тэрийиигэ тэрээһиннээх үлэни көрдөрөн инники күөҥҥэ тахсаллар. Ордук үөрэнээччилэр сайыҥҥы сынньалаҥнарын бириэмэтигэр оҕону үлэҕэ үөрэтиигэ оҕо сынньалаҥ лааҕырдарын тэрийэн үлэлэтэн төрөппүттэр махталларын ылыахтарын ылаллар.

Ол курдук, бу сыллааҕы үөрэнээччилэри тэрээһиннээх үлэ лааҕырдарынан тэрийиигэ икки үлэ лааҕырдарын – “Үүнүү” лааҕыры 3 сезоҥҥа уонна “Отчут” лааҕыры 2 сезоҥҥа үлэлииллэрин былааннаан үлэлэтэ сылдьаллар.

“Сардаҥа” хаһыат эрэдээксийэтэ сайыҥҥы кэмҥэ Ээйик агрооскуолатын дириэктэрин эбээһинэһин толорооччу Игнатьева Мария Анатольевнаны кытта телефонунан сибээстэһэн, тэриллибит үлэ лааҕырдарын үлэлэрин билиһиннэрэргэ көрдөспүккэ бэрт эппиэтинэстээхтик ылынан баар балаһыанньаны билиһиннэрдэ.

“Бу сылга аан бастаан, хортуосканы үүннэриигэ тэриллибит “Үүнүү” лааҕыр (бастакы сезоҥҥа начальник Сидорова Л.С., иккис уонна үһүс сезоҥҥа начальник Игнатьева Адрияна) иитиллээччилэрэ 2 га сиргэ хортуоска олордоннор көрө-харайа сылдьаллар.

Подробнее: https://xn--80aaaaaqemr0d4akx.xn--p1ai/article/65815