Дьэлиҥдэ национальнай нэһилиэгэр сайыны көрсүү «Икэнипкэ» буолан ааста

«Икэнипкэ» сайыны көрсүү Дьэлиҥдэ национальнай нэһилиэгэр бэс ыйын 13 күнүгэр буолан ааста. «Оскуола урэҕэ» диэн көнө китиэмэлэрдээх айылҕа анаан оҥорбут сиригэр Дьэлиҥдэм дьоно ыһыах ыһар буолбуттара быданнаата. Урут, оҕо сылдьан өйдүүрбүнэн,  сайын ыстаадаҕа тахсыбатах биир эмэ сылбар дэриэбинэ иһигэр спортивнай оонньуулары ыыталларын өйдүүбүн. 1934 сыллаахха ити үрэх үрдүгэр бастакы мас оскуоланы туппуттар эбит, ол иһин итинник ааттаммыт. Оттон былыр биир  атыыһыт аатынан ааттанар эбит. Дьэлиҥдэ национальнай нэһилиэгин баһылыгын солбуйааччы Маргарита Николаева «Икэнипкэ» бырааһынньыгын туһунан маннык кэпсээтэ: «Быйыл айылөабыт, оппут-маспыт эрдэ тыллан, халлаан туран биэрэн,  түөлбэлэринэн ураһа туттан, быыстапка тэрийэн, эбэҥкилии таҥаска, бүлүүдэлэргэ күрэхтэһэн дьон-сэргэ көхтөөхтүк кыттан хоту сирбитигэр кылгас кэмҥэ кэлэр самаан сайыммытын олус  бэркэ көрүстүбүт. Манна «Чэбдик» түөлбэ бастакы миэстэни, «Байанай» түөлбэ иккиһи ыллылар.Түөлбэ салайааччылара нэһилиэк олохтоохторун түмэ тардыыга олус бэркэ үлэлээтилэр», — диэн Маргарита Васильевна кэпсиир.

«Икэнипкэ» бырааһынньыгын «Дьиэ кэргэн- үйэлээх үгэстэри илдьэ сылдьааччы» дьиэ кэргэттэрин күрэхтэригэр номинацияларынан талааннаах дьиэ кэргэн ааты эдэр ыаллар Аграфена, Айаал Гороховтар, Екатерина, Герман Романовтар иллээх- эйэлээх дьиэ кэргэттэр ааттарын ыллылар.

«2023 сыл бастыҥ дьиэ кэргэнэ» Аграфена, Айаал Гороховтар буоллулар. Ону таhынан коврик тигиитигэр , оҕуруоннан араас дьахтар симэҕин комплегын аҕалан эмиэ биир атын соҕус күрэхтэр ыытылыннылар , олохтоох дьаhалта харчынан уонна норуот маастардара спонсордаатылар.

Салгыы Маргарита Васильевна спортивнай күрэхтэр тустарынан маннык кэпсээтэ: «Спортивнай күрэххэ Абсолютнай первенстваҕа Хапсаҕайга  Степан Павлов чемпион буолла. Хапсаҕайга биир дойдулаахпыт Айсен Семенов, кини үлэлиир тэрилтэтэ  спонсордаата

Улахан күрэх Өбүгэ оонньуулара 5 көрүҥҥэ  9 ыччат кииристилэр, тынааhыннаах киирсии түмүгүнэн Ариан Николаев бастаан олохтоох дьаhалта туруорбут Саа сертификатынан, иккис Юлиан Наумов , үhүс Сергей Спиридонов Анабар Алмаастара туруорбут дружба уонна шуруповерт сертификаттарынан наҕараадаланнылар

Дьахталларга мас тардыhыытыгар Дария Кириллова кыайыылаах аатын сүгэн 5 тыh солкуобай наҕараадаланна. 

 Уол оҕолорго уонна кыргыттарга эмиэ 3 көрүҥҥэ күрэхтэр ыытылыннылар. Оҕолорго буолбут күрэхтэргэ ИП Максимов Рудольф тутуу үлэhиттэрэ харчыннан  спонсордаатылар

Айсен Семёнов хапсаҕайга абсолютнайга 10тыh харчынан биэрдэ. 

Халлаан да туран биэрэн киэhэ 10ч диэри бырааhынньыктаатыбыт». Эбэҥкилии сайыны көрсүү күнүн «Аарык», «Долбор» ансамбллар киэргэттилэр.