«Өлөөн» таба иитэр хаһаайыстыбаҕа бастакы кыбаартал түмүктэрэ

Саха Өрөспүүбүлүкэтин Ил Дархана 2023 сылы Үлэ сылынан биллэрэн хас биирдии үлэ кэлэктиибэ уонна тустаах үлэһит үлэлиир миэстэтигэр үрдүк көрдөрүүнү ситиһэргэ интэриэстээхтик үлэлиир усулуобуйата тэрилиннэ.

Бу дьыл бастакы кыбаарталын түмүгүнэн оройуоҥҥа төрүт хаһаайыстыбаны — дьиэ табатын иитиигэ, харыстаан хаалларыыга «Өлөөн» муниципальнай таба иитэр хаһаайыстыба кэлэктиибэ (дириэктэр Егоров А.П.) үрдүк көрдөрүүнү ситиһэри хааччыйда. Ол курдук, сааскы харааллааһыны бириэмэтигэр тэрийэн ыытан, анал ветеринарнай уонна зоотехническэй тэрээһиннэри сөптөөх кэмигэр толорон, таба иитэр биригээдэлэр сааскы маршруттарыгар бириэмэтигэр тахсаллара ситиһилиннэ.

Бу дьыл муус устар ый 1 күнүнээҕи туругунан таба иитэр хаһаайыстыбаҕа 4434 таба, ол иһигэр 1950 тыһы таба иитиллэн турара чуолкайданна, улахан табаны тыыннаахтыы иитии 98,2% тэҥнэспит. Ааспыт 2022 сыл туһааннаах кэминээҕэр уопсай таба ахсаана 590 табанан улааппыт, ол иһигэр төрүүр ийэ таба 163 төбөнөн элбээбит.

2023 сыл I кыбаарталын түмүгүнэн дьиэ табатын сыала суох ороскуота бөрө дьиэ табатын тардыытыттан уонна үөрүн ыһыытыттан таһаарылынна. Ол курдук 112 төбө таба сыала суох ороскуота таһаарыллыбыттан 100 таба бөрө тардыытыттан, ылыытыттан таһаарыллыбыт, эбэтэр уопсай ороскуоттан 89,2% тэҥнэһэр.

«Өлөөн» МУП 1 №-дээх таба иитэр биригээдэтин кэлэктиибэ (биригэдьиир Степанов В.В.) сааскы харааллааһын түмүгүнэн улахан табаны тыыннаахтыы иитиини 95,0% тиэрдэн, иитиллэн турар таба ахсаанын 893,0 төбөҕө, ол иһигэр төрүүр ийэ таба ахсаанын 375 төбөҕө тиэрдэри ситистэ. Сыала суох ороскуот 46 төбөҕө тэҥнэһэр, ол иһигэр 43 төбө — бөрө кыйдааһыныттан тахсыбыт.

«Өлөөн» МУП 2 №-дээх таба иитэр биригээдэтин кэлэктиибэ (биригэдьиир Андреев Д.Х.) улахан табаны тыыннаахтыы итиини 98,0% хааччыйбыта быһаарылынна. Ол түмүгэр иитиллэн турар табатын ахсаана 1078,0 төбөҕө, ол иһигэр төрүүр ийэ таба 483 төбөҕө тэҥнэстэ. Дьиэ табатын уопсай сыала суох ороскуота 47 төбө, ол иһигэр 43 таба ороскуота бөрө тардыытыттан уонна ыһыытыттан таһаарыллыбыт.

«Өлөөн» МУП 3 №-дээх таба иитэр биригээдэтин кэлэктиибэ (биригэдьиир Иванов Е.Д.) сааскы харааллааһын түмүгүнэн улахан табаны тыыннаахтыы иитиини 99,4% тиэрдибитэ чуолкайаднна. Уопсай таба ахсаанын 1228? төбөҕө, ол иһигэр төрүүр ийэ таба ахсаанын 541 төбөҕө тиэрдэри ситистилэр. Биригээдэ кэлэктиибэ 2023 сыл түмүгүнэн бастыҥ үлэлээх биригээдэ буолан, дьиэ табатын көрүүтүн-харайыытын тупсаран бастакы кыбаартал түмүгүнэн таба сыала суох ороскуотун муҥутуурдук кыччатары хааччыйан, ороскуоту 10 төбөҕө тэҥнээбиттэр.

«Өлөөн» МУП 5 №-дээх таба иитэр биригээдэтин кэлэктиибэ (биригэдьиир Топоров В.С.) табаны тыыннаахтыы иитиини 99,2% тиэрдэн, уопсай таба ахсаанын 1234 төбөҕө, ол иһигэр төрүүр ийэ таба ахсаанын 541 төбөҕө тиэрдэри хааччыйбыт. Таба иитэр биригээдэ кэлэктиибэ кыстыгы тэрээһиннээхтик тэринэн, таба сыала суох ороскуота намтыырын ситистэ. Ол курдук, бу дьыл I кыбаарталын түмүгүнэн дьиэ табатын сыала суох ороскуотун 9 төбөҕө диэри аччатары ситистилэр.

Билиҥҥи кэмҥэ «Өлөөн» МУТ түөрт толору састааптаах таба иитэр биригээдэлэрин кэлэктииптэрэ төрөтүү эппиэттээх хампаанньатын ситиһиилээхтик ыытыыга бэлэмнэнии үлэлэри тэрийэн ыыталлар уонна кыһыҥҥы кыстык суола туруор диэри аһыыр бородуукталарын, таҥнар таҥастарын, оттук мастарын, уматыктарын үлэлиир маршруттарыгар таһаарарга үлэни саҕалаатылар.

 

Николай Стручков

Подробнее: https://сарданагазета.рф/article/95072

Читайте также

16:57, 28.03.2024

🔵 *Уважаемые жители Оленекского района!* 🔵 

Отдел социальной политики МР приглашает Вас к участию в совместной онлайн-встрече с координатором Фонда «Единый ресурсный центр поддержки СОНКО РС (Я)» Надеждой НОГОВИЦЫНОЙ по ...

16:41, 28.03.2024

Оленекские школьники присоединяются ко всероссийским акциям — «Окно памяти» и «Цветок надежды»...

[video width="848" height="464" mp4="https://mr-olenek.ru/wp-content/uploads/2024/03/img_1373.mp4"][/video] 🕯️ 22 марта - день, когда на сердце страны появился шрам. Трагедия...

19:59, 27.03.2024

Заседание Совета по местному самоуправлению при Главе РС (Я)

Сегодня приняла участие в заседании Совета по местному самоуправлению при Главе РС (Я). В повестку заседания были включены такие вопросы как: - «О задачах органов местног...

Комментарии0

Еще нет аккаунта?

Регистрация