Өлөөҥҥө Александр Иванов кубогар оройуоннар икки ардыларынааҕы бастакы спартакиада арылынна

Саха Өрөспүүбүлүкэтигэр спортивнай хамсааһын 100 сыллаах үбүлүөйүн көрсө Өлөөн эбэҥки национальнай оройуонун киинигэр, Өлөөн сэлиэнньэтигэр бу дьыл кулун тутар ый 6 күнүгэр Хотугу оройуннар таһымнарыгар физическэй култуураны уонна спорду сайыннарыыга улахан үтүөлээх А.С.Иванов кубогар оройуоннар икки ардыларынааҕы бастакы спартакиада үөрүүлээхтик арылынна.

Бырааһынньыктыы киэргэтиллибит, чөл доруобай олоҕу өрө тутааччылар толору мустубут А.С.Иванов аатынан этнокультурнай Кииҥҥэ оройуоннар икки ардыларынааҕы бастакы спартакиада кыттыылаахтара параадтаан киирэллэр. Параадынан хааман киириини бастакынан саҕалыыллар Алексей Попов хапытааннаах Анабыр долган-эбэҥки национальнай оройуонун сүүмэрдэммит спортивнай хамаандата, иккиһинэн Александр Алексеев хапытааннаах Эдьигээн эбэҥки национальнай оройуон сүүмэрдэммит спортивнай хамаандата. Үһүс колоннанан киирэллэр Семен Камеров хапытааннаах Өлөөн эбэҥки национальнай оройуонун сүүмэрдэммит хамаандатын спортсменнара.

Подробнее: https://xn--80aaaaaqemr0d4akx.xn--p1ai/article/91858