Кирбэй нэһилиэгин 85 сыллаах, Өлөөн сопхуос 65 сыллаах үбүлүөйүгэр аналлаах, сыл аайы утумнаахтык ааһар табаһыттар сүлүөттэрэ үрдүк таһымнаахтык ааста. Национальнай «Ехарье» хороводнай ырыа күрэҕин балыыһа коллектива уонна оройуоннааҕы IT – киин иилээн-саҕалааан ыыттылар. Кирбэйтэн 5, Өлөөнтөн 2 тустаах бириис, 3 түөлбэ уонна киин балыаһа спонсордаатылар.

               Дьүүллүүр сүбэ:

              — Председатель : Острельдина В.П.

              — Чилиэн — Николаева У.Н.

              — Чилиэн — Павлов Р.В.  быһаарыыларынан кыттааччыларга маннык аат уонна бириис туттарылынна:

1. Аксинья Иванова – Кылаан кыайыылааҕа (Гран при) үрдүк аатын сүгэн анал олохтоох бочуоттаах этээччи, оһуохайдьыт Иванов В.Н. аатынан харчыннан бириис уонна Давдын микрорайон бирииһин ылла.
2. Акулина Алексеева – Лауреат 1 степени, олохтоох бочуоттаах этээччи Семенова М.П. дьиэ кэргэнэ туруорбут анал бирииһин уонна «Саха сирин үтүөлээх этээччитэ, оһуохайдьыт» Протодьяконов В.Н. аатынан о5олоро туруорбут анал бирииһин ылла.
3. Татьяна Семенова – Лауреат 2 степени, Саха сирин культуратын туйгунун Николаева Г.В. аатынан анал бириис нэһилиэктээ5и «Илькээни» клуб үлэһиттэрэ туруорбут уонна Гарпалин түөлбэ бириистэрин тутта.
4. Елена Тихонова – Лауреат 3 степени, олоҥхоһут, оһуохайдьыт, суруйааччылар бүтүн союзтааҕы кулуубун чилиэнэ, Семенов С.С. «Ырыа Былатыан» аатынан анал бирииһи оҕолорун ааттарыттан тутта.
5. Саамай эдэр этээччи Айкуо Винокурова 5 саастаах, олохтоох оһуохайдьыт, олоҥхоһут, алгысчыт Сергеев В.А. дьиэ кэргэнин аатыттан уонна Гарпалин түөлбэттэн харчыннан бириистэрин ылла.
6. Күрэх таһынан бастын этээччи Павлов Рустам Васильевич – Киин балыыһа тэрилтэтэ олохтообут харчыннан бирииһин тутта.

              Күрэхпит олус өрө көтөҕүүлээхтик, түһүлгэҕэ түмсүбүт дьон уонна ыалдьыттар, болҕомтолорун, сэҥээриилэрин ылла.

              Түгэнинэн туһанан, тэрээһини салайсыбыт, дьүүллүүр сүбэ комиссиятыгар, Анал бириис туруорбут дьоммутугар, түөлбэлэргэ спонсордаабыттарыгар улахан махталбытын тиэрдэбит.

              Өссө төгүл,  оройуон чулуу табаһыттарын , Кирбэй нэһилиэгин олохтоохторун, юбилейдаах сылынан эҕэрдэбитин тиэрдэбит,  үлэҕэ­ үөрэххэ үрдүк ситиһиилэри, нэһилиэк,  оройуон сайдыытыгар өссө үрдүк кылааты киллэрэллэригэр баҕарабыт.

              Дьоллоох олоҕу, эйэни, доруобуйаны баҕарабыт.

Тэрийэр бөлөх:   Кирбэй нэһилиэгин олохтоох балыыһа коллектива,

                                 Оройуоннааҕы  IT – киин.      

Кулун тутар 22 күнэ, 2026 сыл