II Оройуоннааҕы “Үрэн Хоһуун” ырыа курэҕин толорооччуларын күрэҕэ
Ыам ыйын 24 күнүгэр биир дойдулаахпыт, күлүм гынан ааспыт чаҕылхай сулус – Александр Николаев сырдык аатыгар II оройуоннааҕы “Үрэн Хоһуун” ырыа курэҕин толорооччуларын күрэҕэ буолла. Быйылгы сыл Арассыыйаҕа Дьиэ кэргэн, өрөспүүбүлүкэҕэ Оҕо-аймах сыла биллэриллибитинэн күрэх сыалынан Дьиэ кэргэн статуһун үрдэтии, Аҕа уонна уол оҕо айар талааннарын уһугуннарыы буолар.
Ойор-тэбэр куннээх оҕо саас барахсан! … Саша Николаев оскуолатааҕы кэмиттэн, онтон улахан киһи буолан араас түьүлгэлэргэ ырыа ыллаан дьону-сэргэни сэргэхситэ сылдьыбыт кэмнэрин сэһэргиир кэнсиэр түгэннэриттэн таҥыллыбыт умнуллубат түгэннэр киллэриллибит видеота улахан экраҥҥа көстүбүтэ кэлбит дьону улаханнык уйадытта.
“Үрэн Хоьуун” ырыа толорооччуларын тэрийэр бөлөҕүн салайааччыта Российскай Федерация үөрэҕириитин туйгуна, Саха Республикатын культуратын үтүөлээх үлэһитэ, биэчэри иилээн-саҕалаан ыытааччы, суолдьут Надежда Николаева, Саша олох кыра сааһыттан РФ норуотун айымньытын үтуелээх коллектива “Орончикан” эбэҥки национальнай ансамбльга дьарыктаммытын туһунан ахтан-санаан ааста.
Күрэх кыттааччыларын дьүүллүүр сүбэ маннык састааптаах сыаналаата:
Айлен Васильев — I оройуоннааҕы “Үрэн Хоһуун” ырыа күрэҕин толорооччуларын Кылаан кыайыылааҕа;
Никон Николаевич Николаев — оройуон депутаттарын Сэбиэтин «Сугулаан» бэрэссэдээтэлэ;
Надежда Гаврильевна Николаева – Александр Николаев Кун-Күбэй ийэтэ;
Сардана Николаевна Николаева – Александр Николаев Ийэ кынна.
Александра Корякина – Тимур Корякин “Үрэн Хоһуун” ырыа автора, толорооччу олоҕун аргыһа.
Ити кэнниттэн кэлбит дьону Сардана Николаева, Александр Николаев Өлөөннөөҕү Баһаарынай чааска бииргэ үлэлээбит салайааччыта Прокопий Сергеевич Васильев Дьокуускай куораттан ахтыы уһулан ыыппыт уонна күрэххэ кыттааччылары эҕэрдэлээтэ. .
Ырыа күрэҕэр оройуон нэһилиэктэриттэн айан-сырыы билиҥҥи кэмнэ суох буолан, кыттааччылар бэйэлэрин толорууларын эрдэттэн видеоҕа уһулан ыытан кытыннылар. Күрэх быйылгы уратытынан Дьокуускай куораттан толорооччулар эмиэ кыттыбыттара буолар.
“Үрэн Хоһуун” икки түһүмэҕин кэннэ бастыҥтан-бастыҥ ырыаһыттар “Кылаан кыайыылаах” аатын Дьокуускай куораттан кыттыбыт Мирон Ильин, Петр Никифоров ылаллар уонна Александр Николаев бииргэ үөрэммит доҕотторо туруорбут бириистэрин туттулар. Конкурсаннары бэлэмнээтэ СР культуратын туйгуна Парасковья Егорова. Лауреат 1 ст. аатын Кирбэй нэһилиэгиттэн Ян, Спиридон Корякиннар ылаллар,Александр Күн-Күбэй ийэтэ Надежда Гаврильевна Николаеваттан бириис ыллылар, бу хамаанданы бэлэмнээтэ “Илькээни” этнокультурнай киин художественнай салайааччыта Мария Иванова, 2 лауреат аатын Өлөөн нэһилиэгиттэн Лаврентий, Владислав Семеновтар ылан, 1 оройуоннааҕы “Үрэн Хоһуун” ырыа күрэҕин Кылаан кыайыылааҕыттан Айлен Васильевтан бириис туталлар, бэлэмнээтэ “Илкит” этнокультурнай киин үлэһиттэрэ, .3 лауреат Руслан Корякин, Михаил Карпов ааттаннылар, , бу хамаанданы бэлэмнээтэ “Илькээни” этнокультурнай киин уус-уран салайааччыта Мария Иванова, кинилэргэ бирииһи ыытта Дьэлиҥдэттэн “Аарык” этнокультурнай киин, салайааччы Светлана Дмитриева. Күрэх 1 дипломана Ээйиктэн Валерий Тарбахов, Дьулус Степанов буоллулар,күрэххэ бэлэмнээтэ “Сандал” этнокиин уус-уран салайааччыта Людмила Заболоцкая, бу хамаандаҕа бирииһи олохтоото “Илькээни” этнокиин, салайааччы Уруйдаана Николаева, маны таһынан бу хамаандаҕа “Көрөөччү биһирэбилэ” анал бирииһи ырыа айааччы Тимур Корякин анаата, 2-с дипломант Дьэлиҥдэттэн Айдын Евстафьев, Виталий Протопопов ыллылар, бирииһи “Илкит” этнокультурнай киин, салайааччы Юрий Ефимов туруордулар. 3-с дипломант аатын ыллылар Дьэлиҥдэттэн Айгылаан, Семен Николаевтар, кинилэргэ бирииһи олохтоото “Сандал” этнокультурнай киин, салайааччы Ньургуйаана Степанова.
Пётр Никифоров сиэнинээн Мирон Ильинныын, Курэх «Кылаан кыайыылаахтара». Дьокуускай
Лаврентий,Владислав Семеновтар 2 ст.лауреаттар, Өлеен.
Руслан Корякин,Михаил Карпов,3 ст.лауреаттар, Кирбэй
Ян,Спиридон Корякиннар 1 ст.лауреаттар, Кирбэй.
Айгылаан,Семён Николаевтар 3 ст.дипломаннар, Дьэлиҥдэ.
Айдын Евстафьев,Виталий Протопопов, 2 ст.дипломаннар,Дьэлиҥдэ.
Дьулус Степанов, Валерия Тарбахов,1 ст.дипломаннар,Ээйик.
Александр Николаев аатын үйэтитиигэ бу маннык тэрээһиннэри ыытыы, кини олоххо модун дьулуура, сырдыкка, кэрэҕэ тардыһыыта ыччакка билигин да холобур буолар, орто дойду олоҕун сыаналыырга, таптыырга угуйар», — диир тэрээһин салайааччыта Надежда Николаева.
Читайте также
Международный день благотворительности
Дорогие друзья, земляки! Искренне поздравляем Вас с Международным днем благотворительности! Вы-настоящий пример доброты, человечности и бескорыстия. Благодарим за помощь нуждающимс...
Молодежное рабочее объединение «ТУРГЭН»
По итогам проделанной работы в летний период(разборки зданий /ремонты помещений) при поддержке Кладкиной Татьяны Руслановны директор ООО "РСО Эрэл", общим решением передаем нашему ...
Дорогие школьники и родители, уважаемые педагоги!
Поздравляю вас с Днём знаний, с началом нового учебного года! Завтра образовательные учреждения нашего района вновь распахнут свои двери, чтобы стать центром притяжения вс...
Комментарии0
Еще нет аккаунта?
Регистрация