Баһылык Лена Иванова быстах хомуурга барбыт саллааттар дьиэ кэргэттэрин кытта көрүстэ

This content has been archived. It may no longer be relevant

Оройуон баһылыга мобилизацияҕа ыҥырыллыбыт саллааттар ийэлэрин, дьиэ кэргэттэрин кытта көрүстэ. Лена Степановна иһитиннэрбитинэн быстах хомуур биллэриллээтин кытта оройуон дьаһалтата Россия Президенин, Ил Дархан ыйаахтарыгар олоҕуран тутатына үлэни ыытан саҕалаабыта.

“Билиҥҥи туругунан

Өлөөн оройуонуттан 12 киһи быстах хомуурга ыҥырыллыбытыттан 1 ыччат үлэтинэн хомууртан босхолонор көҥүллээх буолан, биир ыччат доруобуйатын туругунан төнүннүлэр. Бүгүҥҥү күҥҥэ ыҥырыллыбыт уолаттарбыт анал байыаннай үөрэтиини, бэлэмнэниини бараллар. Оройуон дьаһалтата анал штаб тэрийэн саллааттарга, кинилэр дьиэ кэргэттэригэр көмөнү оҥорор. Бу күннэргэ көмө штабыгар оройуон тэрилтэлэриттэн, общественнай түмсүүлэртэн 494 тыһ. солк. көмө киирдэ, өссө да салгыы үлэ күүскэ барыан наада. Биробиджан, Уссурийскай, Улан-Удэ куораттарга оройуон бэрэстэбиитэллэрэ уолаттар баар сирдэригэр баран көрсөн, туохха наадыйалларын илдьэн, атыылаһан биэрэллэрин курдук кэпсэтии ыыттыбыт диэн баһылык иһитиннэрдэ.

Подробнее: https://xn--80aaaaaqemr0d4akx.xn--p1ai/article/75132