Өлөөннөр кыhалҕалаах боппуруостарын былаас иннигэр туруорустулар

Бүгүн Өлөөҥҥө СӨ Бырабыыталыстыбатын 2022 сыллаах үлэтин отчуота нэһилиэнньэ иннигэр турда. Мунньах саҕаланыан иннинэ улуус баһылыга Лена Иванова анал байыаннай дьайыыларга кытта сылдьан хорсуннуу бэйэтин олоҕун толук уурбут биир дойдулаахпыт Афанасий Христофоровы кэриэстээн сөҥүөрэн турарга ыҥырда. Мунньахха сүрүн дакылааты оробуочай бөлөҕү салайар СӨ култууратын нэһилиэстибэтин эбийиэктэрин харыстабылын Департаменын салайааччыта Николай Макаров оҥордо.

Дакылаат кэнниттэн олохтоохтор бэйэлэрин кыһалҕалаах боппуруостарын туруорустулар. Ол курдук, улуус депутаттарын Сэбиэтин бэрэссэдээтэлин солбуйааччы Марина Николаева тоҕо дьахталлары Дьокуускай куоракка төрөтө ыыталларын туоһуласта. Дьиэ табатын иитэр хаһаайыстыбалары аҕыйах сылтан бэттэх эһэлэр буулуур буолбуттарын этиннэ. Маны тэҥэ, “Якутия” авиахампаанньа рейстэр көһөллөрүн туһунан СМС-тары ыытыыта мөлтөх туруктааҕын сэмэлээтэ. Оптимизациянан сибээстээн ветеринария салаата сабыллыыта бастатан туран дьон доруобуйатыгар охсуулаах буоларын ыйда.

Маны таһынан нэһилиэк олохтоохторо ураты харыстанар сирдэри туһаныы, таба иитэр, булдунан дьарыктанар хаһаайыстыбалар сирдэрин босхо туһаналларын, сайыҥҥы кэмҥэ оҕолору ыстаадаҕа таһаарыы үбүн көрүүтүн туһунан уо д.а. кыһалҕалаах боппуруостарын салалта5а тиэртилэр.

Подробнее: https://xn--80aaaaaqemr0d4akx.xn--p1ai/article/90574