Өлөөн оройуонугар Бүттүүн Республикатааҕы “Норуот үгэһин” күрэҕэ

21:03, 06.04.2022

Муус устар 5-6 күннэригэр Өлөөн эбэҥки национальнай оройуонугар А.С.Иванов аатынан“Илкит” сырдатан кииҥҥэ Бутун Республикатааҕы «Норуот үгэһин» көрүү күрэҕэ биһиги оройуоммутугар улахан тэрээһин быһыытынан дьон сүргэтин көтөҕөр бырааһынньык буолан ааста.Республика үрдүнэн Муниципальнай тэриллиилэри тоҕус зонаҕа арааран, балаьыанньа быһыытынан тэрээһин салҕанар.Муниципальнай тэриллии “Өлөөн эбэҥки национальнай оройуон” тохсус зонатыттан, биһиги ахсыс зонаҕа (Анаабыр, Өлөөн, Булуҥ, Эбэн-бытантай, Үөһээ дьааҥыы) киирдилэр. Биһиэхэ ыаллыы сытар МТ “Анаабыр долган-эбэҥки национальнай оройуон” олохтоох нэһилиэнньэтэ кэлэн күөн көрүстэ. Араас ис хоһоонноох быыстапкаларын ыйаан дьон биһирэбилин ыллылар. Муус устар 6 күнүгэр күрэхтэһэр концертнай программаларын нэһилиэнньэҕэ кэрдэрдүлэр.

Бу улахан тэрээһиҥҥэ дьүүллүүр сүбэ Дьокуускай куораттан Республикатааҕы Норуот айымньытын дьиэтин кылаабынай специалиһа — Жиркова Жанна Николаевна, Саха Республикатын аҕыйах ахсааннаах норуоттарын театрын уус-уран салайааччыта, «Российскай Федерация культуратын Үтүөлээх үлэһитэ» – Никитина Любовь Алексеевна кэлэннэр Өлөөн эбэҥкилэрин фольклорун көрөн, сөҕөн,хайгаан бардылар.

Республикатааҕы күрэхтэһии балаһыанньатынан бастакы көрүү оройуоммут нэһилиэктэринэн олунньу ый 18-21 куннэригэр 2022 сыл саҕаланыыта олохтоох нэһилиэнньэ бэйэтин кыаҕынан тус-туспа ис хоһоонноох концертнай программаларын онлайн форманнан кыттан күрэхтэһии сыалын ситиспитэ. Бииртэн биир үчүгэй программалаах концертартан Республикатааҕы күрэхтэһиигэ чаҕылкай нүөмэрдэр талыллан киирэн дьон сэҥээрэн көрдө. Балаһыанньа ирдэбилининэн маннык жанрдарга көрүү буолла: 1-тынан, эбэҥки фолькорун, абыычайын 2-нэн –үҥкүү, 3-нэн – театр,4-нэн – вокал, 5- нэн ДПИ (декоративно-прикладной искусство). Концертнай программаҕа уопсайа 231 киьи араас жанрдарга ситиһиилээхтик кыттан жюри үрдүк сыанабылын ыллылар.Төрүт эбэҥки омук буоларбытын эбэҥки таҥнар таҥаһын, киэргэллэрин, туттар тэрилин араас көрүҥүн көрдөрөн өссө төгүл дакаастаатыбыт. Эбэҥки төрүт омугун төтүт баайын көрдөрөр айымньылардаахпытынан, суруйааччылардаахпытынан киэн туттабыт. Ол курдук сыанаҕа Өлөөн чулуу уола, медицина билимин учуонайа-Иннокентий Иннокентьевич Винокуров «Любовь в Яранге» айымньыта, «Саха Республикатын Үтүөлээх” үлэһитэ Татьяна Протасова сценарийынан, режиссер-“Саха Республикатын культуратын Үтүөлээх үлэһитэ” Сима Толстякова туруоруутунан музыкальнай этно-спектакль көрдөрүлүннэ. Ветеринария “Үтүөлээх үлэһитэ” Өлөөн ытыктанар бэтэрээнэ-Василий Афанасьевич Христофоров документальнай айымньыта «Слово о Христофорке» Саха Республикатын культуратын «Үтүөлээх улэһитэ» режиссер Руслан Тараховскай туруоруутунан Өлөөн эбэҥки оройуонугар биир улахан төрүт норуот культуратын төрүт баайынан буолла.

Бу тэрээһиҥҥэ идэлээх артыыстартан итэҕэһэ суох оруоллары чаҕылкайдык арыйбыт Өлөөн чулуу эдэр ыччаттарын киэн тутта аатыахха сөп: Влад Семенов, Влад Бятинскай, Юрий Ефимов, Христофор Христофоров уо.д.а.

«Любовь в Яранге»Этноспектакль театральнай жанрга Өлөөн культуратыгар биир сыаналаах, биһирэбиллээх репертуар быһыытынан буоларын «Российскай Федерация Үтүөлээх” “Орончикан” үҥкүү коллективын араас сыллардаа5ы выпускницалара бэйэлэрин үрдүк талааннарын, сомоҕолоохторун көрдөрдүлэр.

Эбэҥки фольклорун биэбэйдээн илдьэ сылдьар «Аарык» народнай долгано-эвенкийскай ансамбля тэриллиэ5иттэн бэйэтин сүдү баайын эдэр көлүөнэҕэ тиэрдэн кэлтэ барыбыт үөрүүбүт, салайааччыларбыт сыралаах үлэлэрин түмүгэ буолар. «Алакуо» этнофольклорнай анасмбль быйылгы Российскай Федерация культураларын нэһилиэстибэлэрин сылынан оройуонна эрэ буолбакка Республика хас да Муниципальнай тэрээһиннэргэ айаннаан бэйэлэрин төрүт омуктарын фольклорун көрдөрөн дьон биһирэбилин ылыан ылла.

Биһиги оройуоммутугар өр сылларга хормейстер идэлээх үлэһит тийбэт буоллаҕына, быйыл үөрэхтээх специалист кэлбитэ киһи хараҕар быраҕыллар хамсааһын таҕыста диэн бэлиэтиибит.


Бүтүн Республиканскай көрүү күрэҕэ МТ «Өлөөн эбэҥки национальнай оройуон” жюри сыанабылынан Республикаҕа аан бастакыннан урдук сыанабылынан ааста. Оройуон чиэһин ситиһиилээхтик көмүскээн активнайдык кыттыбыт туох баар норуоппут артыыстарыгар өссө да ситиһиини, доруобуйаны баҕарабыт. Бары маннык көхтөөх, активнай позициялаах буоларгытыгар баҕарабыт.

Методист НТ ИМЦ Р.Аммосова

Читайте также

17:18, 27.09.2022

Возложение цветов основателям района, посвященные Дню государственности Республики Саха (Якутия)

В Оленекском районе прошли мероприятия, посвященные Дню государственности Республики Саха (Якутия). Возложили цветы основателям района и видным политическим, общественным деятелям....

12:20, 26.09.2022

В школах нашего района с 1 сентября 2022 года запущен цикл внеурочных занятий «Разговоры о важн...

Министерством просвещения России с 1 сентября 2022 года в российских школах запущен масштабный проект - цикл внеурочных занятий "Разговоры о важном". Учебная неделя в школах...

10:12, 26.09.2022

26 сентября в 19:00 состоится «Прямая линия» с Айсеном Николаевым

Напоминаем о «Прямой линии» с главой Якутии Айсеном Николаевым, которая пройдет в понедельник, в 19:00. 📲 Задать вопрос можно через сайт столетия республики https://100yakut...

Комментарии0

Еще нет аккаунта?

Регистрация