Өлөөннөр – Үөһээ Бүлүүгэ Олоҥхо ыһыаҕар!

This content has been archived. It may no longer be relevant

Бэс ыйын 20-21 күннэригэр Үөһээ Бүлүү сиригэр XV үбүлүөйдээх Олоҥхо ыһыаҕа үрдүк тэрээһиннээхтик ыытылынна. Олоҥхо ыһыаҕа Саха норуотун биир түмэр, норуот айымньытын, фольклорун бары көрүҥнэрин көрдөрөр, аҕыйах ахсааннаах норуоппут сайдар суолун тобулар, кэлэр көлүөнэҕэ омукпут уратытын көрдөрөр сүдү тэрээһин буолар. Икки кун устата барбыт күрэстэр саха төрүт култуурата, саха тыла, үгэстэрэ сүппэттэрин, үйэлэри уҥуордаан үүнэр көлүөнэлэргэ бэриллэ туралларыгар туһуланан ыытылыннылар.

Биһиги оройуон баһылыга Лена Степановна Иванова салайааччылаах бөлөх ыалдьытымсах,

көрсүө-сэмэй дьонноох Үөһээ Бүлүү сиригэр ыалдьыттаан, олоҥхону ааҕыыга, быыстапкаҕа кыттан кэллибит. Кэлбит делегациялары барыларынолохтоохтор

Үөһээ Бүлүү кыраныыссатыгар көрсөн, кымыстаах алаадьынан айах тутан күндүлээтилэр.

Өлөөн делегациятын Сургулуук нэһилиэгин баһылыга Тарасов Алексей Алексеевич уонна улуус администрациятын исписэлииһэ

Анна Васильевна Васильева көрүстүлэр. Олоҥхо ыһыаҕын ыалдьыттарын үөрэх тэрилтэлэригэр олохсуттулар, ол курдук биһиги Д.С. Спиридонов аатынан 4 №-дээх оскуолаҕа түстүбүт. Сылаас уулаах душ, утуйар ороннор, күҥҥэ үстэ аһылык. Уопсайынан эттэххэ, ыалдьыттарга табыгастаах усулуобуйа барыта оҥоһуллубут.

Подробнее: https://xn--80aaaaaqemr0d4akx.xn--p1ai/article/62777