А.С.Иванов аатынан “Илкит” этнокультурнай киинин кэлэктиибэ аҕам саастаахтар күннэрин бэлиэтээтилэр

11:42, 10.10.2022

This content has been archived. It may no longer be relevant

А.С.Иванов аатынан “Илкит” этнокультурнай киинин кэлэктиибэ аҕам саастаахтар күннэрин бэлиэтээтилэр. Бу күн культура, кинематография бэтэрээннэрин чиэстээтилэр- бочуоттаатылар.
Екатерина Соломонова – А.С.Иванов аатынан “Илкит” ЭКЦ методиһа.
“Биһиги культурабыт бэтэрээннэрэ Агафья Михайловна Петрова, Алина Ильинична Шишигина, Евдокия Михайловна Дмитриева, Маайа Гаврильевна Иванова, Александра Павловна Николаева, Валентина Алексеевна Боекова, Вера Григорьевна Иванова, киинэ бэтэрээнэ Мария Архипова культура үлэтигэр үйэ аҥаарыттан ордук билиилэрин-көрүүлэрин уурдулар, ону сэргэ бүгүн биһиги кэккэбитигэр суох оройуон тэриллиэҕиттэн, кыһыл чуумтан культура үлэтин саҕалаабыт Мария Афанасьевна Анисимова, культура сайдыытыгар ааттарын-суолларын хаалларбыт Прокопий Игнатьевич Семенов, Владимир Иннокентьевич Захаров, Надежда Петровна Докалова, Тамара Лазаревна Данилкина о.д.а. оройуон культуратын историятыгар үтүө ааттара үйэ-саас тухары суруллубуттара, кинилэри бу киэһэ ахтан-санаан, кинилэр ыллаабыт ырыалара үйэтитиллибит видеолары улахан экраҥҥа көрөн, эдэр көлүөнэ ыччаттарбытыгар кэпсээн аастыбыт”. Ити курдук “Илкит” ЭКК үлэһиттэрэ аҕам саастаах коллегаларыгар олус бэрт истиҥ биэчэри бэлэхтээтилэр. Ааспыт үйэ 60-90 сыллардааҕы дьиэ ис көстүүтун санатар фотозона оҥордулар, ол кэмнээҕи хас биирдии ыал үрүт үрдүгэр кыстаммыт элбэх чымадааннаах буолара, патефон, сылабаар, быыстапка ыскаатар, онтон үлэһит хамыһаар дьоҥҥо бэчээттиир массыынка баар буолара, оннооҕор 1978 сыллааҕы ССКП ыҥырыылара бэчээттэммит “Кыым” хаһыат баччааҥҥа диэри кичээҥитик ууруллан үйэтитиллибит, ол кэмнээҕи интерьергэ хаартыскаҕа түһэн оҕо эрдэҕинээҕи кэммитин санаан үйэтиттибит, эдэрдэрбит уонна бэтэрээннэрбит эмиэ ол кэмнэрдээҕи муоданы көрдөрен, оччотооҕу көлүөнэ сөбүлээн ыллыыр муусукаларынан үҥкүүлээн сэргэхсийдилэр. Маннык биэчэрдэри дөрүн-дөрүн тэрийэн бөһүөлэкпит кырдьаҕастарын сынньалаҥнарын тэрийэргэ былаанныыбыт. Бу түгэнинэн туһанан нэһилиэнньэ билиитигэр А.С.Иванов аатынан “Илкит” этнокультурнай киин директорынан салайар үлэҕэ балачча уопутуран эрэр, айар үлэҕэ талааннаах, эдэр кэскиллээх Юрий Семенович Ефимов анаммытын иһитиннэрэбит. “Илкит” коллективыгар элбэх эдэр ыччаттар үлэлээн эрэллэр, быйыл хас да эдэр үлэһит культура колледжыгар кэтэхтэн үөрэнэ киирдилэр, онон инникитин культура тэрилтэтэ саҥа тыыннанан, нэһилиэнньэ сынньалаҥын тэрийэргэ үлэ араас форматын туһанан үлэни тэрийиэхтэрэ диэн эрэл баар, оттон биһиги аҕа саастаах уопуттаах коллегалара кинилэргэ сүбэ-ама, көмө буоларга мэлдьи бэлэммит.

Источник: сайт Управления культуры http://xn—-7sbqaveccthtxlc7k.xn--p1ai/a-s-ivanov-aatynan-ilkit-etnokulturnaj-kiinin-kelektiibe-a%d2%95am-saastaahtar-k%d2%afnnerin-belieteetiler/

Читайте также

11:04, 18.07.2024

Набор на курсы от практикоориентированного акселератора «Кынат»

Дорогие друзья! Мы рады объявить о наборе на курсы от практикоориентированного акселератора «Кынат»! 📽🧞♂ *МультЛаб* – овладей навыками анимации! 🎮 🕹 *ИгроЛаб* – создавай сво...

10:53, 17.07.2024

КАЛЕНДАРНЫЙ ПЛАН мероприятий по подготовке и проведению досрочных выборов главы МО «Оленекский нацио...

ЦЕНТРАЛЬНАЯ ИЗБИРАТЕЛЬНАЯ КОМИССИЯ РЕСПУБЛИКИ САХА (ЯКУТИЯ) ОЛЕНЕКСКАЯ ТЕРРИТОРИАЛЬНАЯ ИЗБИРАТЕЛЬНАЯ КОМИССИЯ с. Оленек, ул. Боескорова, 7, тел: (41169) 21315, tikolenek@mail.ru ...

10:49, 17.07.2024

В рамках Всероссийской недели правовой помощи в Оленьке состоялся «семейный» круглый стол

С 8 по 14 июля 2024 года прошла Всероссийская неделя правовой помощи по вопросам защиты интересов семьи, в рамках Года семьи. Семья – это одна из главных ценностей человечес...

Комментарии0

Еще нет аккаунта?

Регистрация