Бакалдын эстэпиэтэтэ эдьигээннэргэ туттарылынна

2023 сылга эбэҥкилэр күнү көрсөр ытык бырааһынньыктарын Дьокуускайга Эдьигээн улууһа ыытыаҕа. Эстэпиэтэни туттарыыга Өлөөн эбэҥки национальнай оройуонун баһылыга Лена Степановна Иванова: «Өрөспүүбүлүкэбитигэр Бакалдын бырааһынньыгын төрүттэспит ытык кырдьаҕастарбытыгар Иван Михайлович Атласовка, эбэҥки норуотун Бочуоттаах Бегинэ Борис Ануфриевич Николаевка, Валентин Гаврильевич Исаковка, Анна Николаевна Мырееваҕа, Августина Дмитриевна Марфусаловаҕа, Галина Ивановна Варламоваҕа барҕа махтал тылларын этэбит.

Биһиги, өлөөннөр, баһылыкпыт Александр Степанович Иванов көҕүлээһининэн бу кэрэ Кэнкэмэ үрэҕин кытылыгар тутуллубут этнокомплексы бэлэх уунабыт. Манна култуурабытын, үгэстэрбитин тарҕатан, сылын ахсын эбэҥки саҥа дьылын көрсөммүт бырааһынньыктаан

уруйдуохпут» — диэн эттэ уонна Бакалдын бэлиэтин кытары эбэҥкилэр Ассоциацияларын былааҕын Эдьигээн национальнай оройуонун баһылыгын бастакы солбуйааччыта Константин Овчинниковка туттарда.

Подробнее: https://xn--80aaaaaqemr0d4akx.xn--p1ai/article/60192