I ОРОЙУОННААҔЫ «ҮРЭН ХОҺУУН» ЫРЫА ТОЛОРООЧЧУЛАРЫН КҮРЭҔЭ

10:42, 30.05.2023

Ыраахтан-чугастан ыҥырыллан кэлбит Ырыа куттаах күндү көрөөччүлэрбит 2023 сыл, ыам ыйын 26 күнүгэр Үс үөстээх, өрө үллэр сүүрүктээх Өлөөн Эбэ хотун эҥэригэр, дьоллоох Улуу Туманнаах туонатыгар, Өлөөн килбэйэр киинигэр Александр Иванов аатынан «Илкит» Этнокультурнай Кииҥҥэ, киэһэ 18:00 чааска, Арассыыйаҕа Уһуйааччы уонна Аҕа сүбэһит, Өрөспүүбүлүкэҕэ Үлэ, улууска Төрөөбүт төрүт тыл сылларыгар, Саха Сиригэр Ырыа күнүгэр аналлаах Өлөөн Ырыа куттаах ыччатыгар, Өлөөн Орто оскуолатын 2011 сыллаах выпускнига, ХХ оройуоннааҕы «Өлөөн эбэ үрдүгэр» сахалыы ырыа фестивалын Кылаан кыайыылааҕа, оройуоннааҕы ыччаттар күрэхтэрин «Өлөөн Хоһууна» үрдүк аат хаһаайына Александр Николаев cырдык аатыгар аналлаах I оройуоннааҕы «Үрэн Хоһуун» ырыа күрэҕин толорооччуларын күрэх кыттыылаахтарын парадыттан саҕаланна.

7 сааһыттан 17 сааһыгар диэри:

1 нүөмэрдээх кыттааччы — Мирослав Николаев — Дьэлиҥдэ

2 нүөмэрдээх кыттааччы — Кирсан Кельцинов — Харыйалаах

3 нүөмэрдээх кыттааччы — Руслан Винокуров — Ээйик

4 нүөмэрдээх кыттааччы — Юрий Николаев — Өлөөн

5 нүөмэрдээх кыттааччы — Саша Федотов — Өлөөн

6 нүөмэрдээх кыттааччы — Роберт Николаев — Өлөөн

7 нүөмэрдээх кыттааччы — Динияр Типянов — Өлөөн

8 нүөмэрдээх кыттааччы — Эльдар Декоямов — Өлөөн

18 сааһыттан 35 сааһыгар диэри:

1 нүөмэрдээх кыттааччы — Спиридон Корякин — Харыйалаах

2 нүөмэрдээх кыттааччы — Александр Корякин — Өлөөн

3 нүөмэрдээх кыттааччы — Айал Семенов — Өлөөн

4 нүөмэрдээх кыттааччы — Егор Николаев — Өлөөн

5 нүөмэрдээх кыттааччы — Харысхан Семенов — Өлөөн

6 нүөмэрдээх кыттааччы – Айлен Васильев — Өлөөн

Ханнык баҕарар киһи ийэтин түһэҕиттэн тахсыаҕыттан олох үөрүүтүн -көтүүтүн, хомолтотун — куруһун, түһүүтүн-тахсыытын билбитинэн барар. Ол курдук, уол оҕо олоҕун мөккүөрэ салҕанар. Бу түгэҥҥэ санаан ахтан ааһыаҕыҥ биһиги Сашабыт ойор күннээх оҕо сааһын. I оройуоннааҕы «Үрэн Хоһуун» ырыа күрэҕин кыттыылаахтарын эҕэрдэлээтэ Надежда Гаврильевна Николаева – Александр Николаев Күн Күбэй ийэтэ.

Күлэр, ойор күннээх оҕо саас барахсан… Саша Николаев оҕо сааһын доҕотторо… Кимиэхэ бары чугастар, кимиэхэ бары күндүлэр. Саша оскуолаҕа хайдах үөрэммитин, орой мэнигин, биитэр көрсүөтун-сэмэйин барыбытынааҕар билэн эрдэхтэрэ доҕотторо – бииргэ үөрэммит оҕолоро уонна кылаас салайааччыта Варвара Петровна Острельдина. Александр Николаев эдэр сэнэх күөгэйэр күннэригэр ыал аҕата буолан, оройуоҥҥа, республикаҕа Өлөөнүн аатын аар сааргы аатырарыгар күүстээх өйөбүл буолбут Ийэ кынна Сардана Николаевна Николаева I оройуоннааҕы «Үрэн Хоһуун» ырыа күрэҕин толорооччуларын олус долгуйан туран эҕэрдэлээтэ.

Александр Николаев үлэтин Өлөөннөөҕү Баһаарнай чааска олоҕун кэрдииһин саҕалаабыта. Бу үлэ коллективыгар үлэлиир кэмигэр Александр Николаев хайдах үлэлээбитин билиһиннэрдилэр Марианна Степанова уонна Демид Гоголев.

Өлөөн Хоһууннарын сыдьааннарын истиҥник эҕэрдэлээтэ «Үрэн Хоһуун» күрэх тэрийэр бөлөҕүн салайааччыта, Культура салаатын начальнига Надежда Прокопьевна Николаева уонна убаастабыллаах Дьүүллүүр Сүбэтин билиһиннэрдэ:

Дьүүллүүр Сүбэ бэрэссэдээтэлэ:

  1. Александра Павловна Николаева – Саха сирин республикатааҕы культурнай-сырдатар учуулусса, хоровой-дирижерскай салаатын 1970 сыллааҕы выпускницата, Саха республикатын культуратын үтүөлээх үлэһитэ;
  2. Алексей Афанасьевич Николаев – Саха республикатын культуратын туйгуна, Саша Николаев оҕо сааһыгар дьарыктаммыт «Илкит» Этнокультурнай Киин иһинэн тэриллэн үлэлээбит «Дылачакан» доруобуйаны чэбдигирдии-эстетическай лааҕыр тэрийиинэн үлэлээбит директор;
  3. Варвара Петровна Острельдина — Александр Николаев үөрэммит кылааһын салайааччыта;
  4. Надежда Гаврильевна Николаева – Александр Николаев Күн Күбэй ийэтэ;
  5. Сардана Николаевна Николаева – Александр Николаев Ийэ кынна;

Хоһоон сурулунна да — Ырыа буолан,ырыа айылынна да – ылланан, биллэн барара сэдэх,дэҥҥэ баар көстүү. Онтон таба тутан, табыллан хааллаҕына айар киһиэхэ ити – Дьол. Бу аата Тимур Корякин айылҕа биэрбит дьоҕурун бэйэтигэр эрэ сөҥөрө сылдьыбакка, дьонун-сэргэтин кытта тэҥҥэ үллэстэн айар-тутар кыахтаах эбит. Үгүс истээччи ырыаны ким айбытыгар, хоһоонун ким суруйбутугар аахайбат, улаханнык баардылабат үгэстээх. Ити баар суол. «Үрэн Хоһуун» ырыата хайдах үөскээбитин билиһиннэрдэ автор-мелодист Тимур Корякин.

I оройуоннааҕы «Үрэн Хоһуун» 7 сааһыттан 17 сааһыгар диэри ырыа толорооччуларын күрэҕин саҕалаабыта санааны кынаттыыр, сүрү көтөҕөр, тыыны уһатар, хараҕы сырдатар алыптаах түһүлгэҕэ 1 нүөмэрдээх күрэх кыттыылааҕа Мирослав Николаев – Дьэлиҥдэ, күрэххэ бэлэмнээтэ Светлана Дмитриева.

Үтүө-кэрэ көй ырыатын бар дьон мустан иһиттилэр 2 нүөмэрдээх кыттааччы Кирсан Кельцинов — Христофор Христофоров аатынан Харыйалаахтааҕы Орто оскуола үөрэнээччитэ, күрэххэ бэлэмнээтилэр Оксана Алексеева, Кирилл Игнатьев.

Биир тыынынан өрө көтөҕүллэн ыллаан дьиэрэтэр түһүлгэҕэ 3 нүөмэрдээх кыттааччы Руслан Винокуров – Ээйик – күрэххэ бэлэмнээбит Людмила Заболоцкая.

Төһөлөөх күүс түмүллэн, саргы-дьол аартыга арыллар түһүлгэҕэ 4 нүөмэрдээх кыттааччы Юрий Николаев — Өлөөн нэһилиэгин, 3 Түөлбэ салайааччыта Ульяна Никифорова, уһуйааччы Прасковья Егорова.

Күн сирин олоҕун туойар түһүлгэҕэ 5 нүөмэрдээх кыттааччыны — Саша Федотов — Христофор Николаев аатынан Өлөөн Орто оскуолатын үөрэнээччитэ, уһуйааччы Прасковья Егорова.

Алгыстаах ырыа түһүлгэтигэр көрсүҥ 6 нүөмэрдээх кыттааччыны Роберт Николаев – Христофор Николаев аатынан Өлөөн Орто оскуолатын үөрэнээччитэ, уһуйааччы Прасковья Егорова.

Саха Сиригэр Ырыа күнүгэр аналлаах түһүлгэҕэ 7 нүөмэрдээх кыттааччы Динияр Типянов – Христофор Николаев аатынан Өлөөн Орто оскуолатын үөрэнээччитэ, уһуйааччы Прасковья Егорова.

Өлөөн Хоһууттарын уруйдуур түһүлгэҕэ көрсөбүт 8 нүөмэрдээх кыттааччы Эльдар Декоямов.

I оройуоннааҕы «Үрэн Хоһуун» ырыа күрэҕин 18-35 саастарыгар диэри толорооччуларын күрэхтэрин алыптаах түһүлгэҕэ 1 нүөмэрдээх күрэх кыттыылааҕа Спиридон Корякин – Харыйалаах.

Бар дьон мустан Ытык ырыаны истэр түһүлгэтигэр 2 нүөмэрдээх кыттааччы Александр Корякины – ГУП ЖКХ үлэһитэ – күрэххэ тылыгар киллэрэн кытыннарбыт профсоюз салайааччыта Маргарита Эверстова.

Алыптаах ырыа түһүлгэтигэр көрсөбүт 3 нүөмэрдээх кыттааччыны 3 нүөмэрдээх кыттааччы Айал Семенов – Өлөөн Кииннэммит балыаһатын үлэһитэ.

Сайдыы суолун алгыһын түһүлгэтигэр 4 нүөмэрдээх кыттааччыны Егор Николаев — Өлөөн нэһилиэгин 4 Түөлбэтин аатыттан Российскай армия саллаата.

Анал Ырыа Күнүгэр дуораччы ыллыыр түһүлгэҕэ дохсун ытыс тыаһынан көрсөбүт 5 нүөмэрдээх кыттааччыны Харысхан Семенов – Өлөөн нэһилиэгин, 5 Түөлбэ, күрэххэ бэлэмнээтэ Харысхан Семенов.

Күн ырыа түһүлгэтигэр көрсүҥ 6 нүөмэрдээх кыттааччы Айлен Васильев.

Подробнее: https://сарданагазета.рф/article/98540

Читайте также

15:47, 17.06.2024

Приглашаем школьников в IT-школу во время ЛЕТНИХ КАНИКУЛ

Занятия для учащихся: 📚 _1-5 классы:_ Основы компьютерной грамотности; блочное программирование на ScratchJr; 📚 _6-8 классы:_ Основы программирования на языке PYTHON; 📚 _9-11 кл...

11:21, 15.06.2024

Уважаемые работники здравоохранения Оленекского района!

Примите искренние поздравления с вашим профессиональным праздником! Профессия врача полностью посвящена служению людям. Она требует от вас не только верности клятве Гиппокра...

21:59, 14.06.2024

Благотворительный вечер-концерт в поддержку участников СВО

Фоторепортаж ...

Комментарии0

Еще нет аккаунта?

Регистрация