Саха сиригэр Арассыыйа национальнай тыйаатырдарын маҥнайгы Кэнгириэһэ ыытыллыаҕа

10:49, 16.06.2022

This content has been archived. It may no longer be relevant

Саха АССР төрүттэммитэ 100 сылын чэрчитинэн, бэс ыйын 22 күнүттэн 25 күнүгэр диэри, «Россия — Моя история» устуоруйа пааркатыгар, Арассыыйа национальнай тыйаатырдарын Кэнгириэһэ ыытыллыаҕа. Тэрээһини Дьокуускайга ыытыы туһунан быһаарыныыны Арассыыйа национальнай тыйаатырдарын Ассоциациятын тэрийэр кэмпириэнсийэтигэр ылыммыттара. Бу көҕүлээһини Саха Өрөспүүбүлүкэтин Ил Дархана Айсен Николаев өйөөбүтэ.

СӨ Култуураҕа уонна духуобунай сайдыыга министиэристибэтэ иһитиннэрэринэн, Кэнгириэскэ дойдубут тыйаатырдарын 36 уус-уран салайааччыта кыттыыны ылыахтаах. Тэрээһин сүрүн соруга – театральнай Арассыыйаҕа тус көстүү быһыытынан национальнай тыйаатыр сайдар суолун быһаарыы.

Кэнгириэс күннэригэр араас сиртэн режиссердар, ол курдук, Бурятияттан Сойжин Жамбалов, Башкортостантан Ильшат Мухутдинов, Саха сириттэн Роман Дорофеев, Татарстантан Гульназ Минкин бэйэлэрин норуоттарын култуурунай уратыларын театральнай бырайыактарыгар көрдөрүөхтэрэ.

СӨ Култуураҕа уонна духуобунай сайдыыга миниистирэ Юрий Куприянов этэринэн, хас биирдии режиссерга Саха тыйаатырыттан, Олоҥхо тыйаатырыттан, Үүнэр көлүөнэ тыйаатырыттан, Ньурбатааҕы тыйаатыртан 5-тии артыыс ананыаҕа. Маны сэргэ, Арктикатааҕы Судаарыстыбаннай култуура уонна ускуустуба институтуттан устудьуоннары кыттыһыннарыахтара. Кыайыылаахтар Арассыыйа национальнай тыйаатырдарын Ассоциациятын кыттааччыларын былаһааккатыгар испэктээкили көрдөрөр кыахтаныахтара.

Маны таһынан, киин куораппытыгар Александринскай тыйаатыр Күннэрэ ыытыллыахтара. Аатырбыт кэллэктиип бэс ыйын 24 уонна 25 күннэригэр, Саха тыйаатырын сыанатыгар «Женитьба» испэктээкили көрдөрүөҕэ.

Кэнгириэс чэрчитинэн, «Россия – Моя история» устуоруйа пааркатыгар Саха сирин тыйаатырдарын сайдыытын устуоруйатын туһунан улахан экспозиция туруоҕа.

Арассыыйа национальнай тыйаатырдарын Ассоциацията 2022 с. тохсунньу 10 күнүгэр Арассыыйа Национальнай тыйаатырын (Александринскай тыйаатыр) көҕүлээһининэн тэриллибитэ. Ассоциация сүбэтигэр Саха тыйаатыра, Карелия Национальнай тыйаатыра, Башкирдааҕы драма тыйаатыра, Бурятскай драма тыйаатыра, Татар тыйаатыра, Чеченнээҕи судаарыстыбаннай драматическай тыйаатыр, Псковтааҕы драма тыйаатыра киирсэллэр. Сүбэни Александринскай тыйаатыр уус-уран салайааччыта Валерий Фокин салайар.

СӨ Ил Дарханын уонна Бырабыыталыстыбатын пресс-сулууспата сырдатыытыттан.

Источник: https://kyym.ru/sonunnar/kultura/9570-sakha-siriger-arassyyja-natsionalnaj-tyjaatyrdaryn-ma-najgy-kengirie-e-yytyllya-a

Читайте также

10:05, 15.05.2025

Заседание комиссии по вопросам задолженности за жилищно-коммунальные услуги

В администрации района состоялось заседание межведомственной комиссии, посвященное проблеме задолженности населения за жилищно-коммунальные услуги. По состоянию на 1 мая 2025 г...

14:13, 12.05.2025

Вниманию жителей и гостей района! 

Издано распоряжение Главы  МР «Оленекский эвенкийский национальный район» от 12 мая 2025 года Nº 553-р о закрытии ледовой переправы «Оленек-Харыялах» реки Оленек МР «Оленекский...

11:58, 12.05.2025

Уважаемые жители и гости района! 

В связи с началом на территории республики с 1 мая пожароопасного сезон напоминаем о необходимости строгого соблюдения правил и требований пожарной безопасности.  На сегодня...

Комментарии0

Еще нет аккаунта?

Регистрация