Саха театра Өлөөҥҥө

15:35, 20.02.2024

П.А.Ойуунускай аатынан Саха академическай театрын СӨ үтүөлээх артыыһа Дьулустаан Семенов салайааччылаах гастрольнай труппата бээһээ  Өлөөн эбэҥки национальнай оройуонугар кэллэ. Оройуоннааҕы култуура үлэһиттэрэ Сахабыт сирин ааттаах-суоллаах  уонна саҥа саҕалаан эрэр эдэр  артыыстары эбэҥкилии “Чичипкаан” неҥүө  ыраастаныы сиэрин-туомун толорон, арыылаах алаадьынан айах тутан, арчылаан-араҥаччылаан көрүстүлэр.  Ыалдьыттары  таба куттаах оройуон туһунан билиьиннэрэр эбэҥки аҕа уустарын  тирии бэлиэлэринэн киэргэтиллибит,  сарыы ураһа турбут  эбэҥкилии тыыннаах А.С.Иванов аатынан “Илкит”  этнокултуурунай кииҥҥэ  култуура үлэһиттэрин сэргэ  араас улуустартан хоту кэлэн кийиит-күтүөт буолан олохсуйан олорор  биир дойдулаахтара көрүстүлэр. Айылҕа анаан оҥорбут  Өлөөн эбэ  үүттээх тааьын- харысхал бэлиэлэри туттардылар, бииргэ хаартыскаҕа түһэн бу тугэни үйэтиттилэр, эбэҥкилии дьуохары, сахалыы оһуохайы тардан кээстилэр.  Труппа састаабыгар Саха ереспүүбүлүкэтин үтүөлээх артыыскалара Домна Васильевна Уйгурова, Софья Иннокентьевна Баранова, Елизавета Федотовна Потапова, Ильяна Павлова СР үтүөлээх артыыстара Михаил Михайлович Апросимов, Дмитрий Дмитриевич Михайлов,Геннадий Николаевич Турантаев,Николай Протасов, Роман Романович Дорофеев, эдэр артыыстар Сандаара Федотова, Александр Борисов, Юлия Санникова, Ньургун Никитин,  звукооператор Александр Решетников бааллар.
Быйылгы гастроллар  Россияҕа биллэриллибит дьиэ кэргэн, Саха Өрөспүүбүлүкэтигэр биллэриллибит Оҕо саас сылыгар ананаллар.  Саха  театрын  артыыстара  олунньу 20-21 күннэригэр  оройуон киинигэр Өлөөҥҥө, олунньу 22-23 чыыһылатыгар Кирбэйгэ, онтон сиринэн айаннаан Дьэлиҥдэҕэ тиийэн Дмитрий Таас айымньытынан  “Кыһыл көмүс хоруоп” испэктээкили , Николай Неустроев “Тиэтэйбит” кэмиэдьийэтин көрдөрүөхтэрэ. Итиэннэ олоҥхоһут Павел Романов- Мыланыыскай “Кыыс Ньургустай Куо»олоҥхотун  СӨ үтүөлээх артыыската Софья Баранова толоруоҕа.

Читайте также

11:33, 12.04.2024

С Днем Космонавтики!

Дорогие соотечественники! Сегодня мы отмечаем великий праздник - День космонавтики, символизирующий начало эры покорения космоса человечеством. В этот день в 1961 году Юрий ...

16:07, 11.04.2024

Факел VIII Международных игр «Дети Азии» — в Эйике

👏 Одна из задач игр - вовлечение всех категорий граждан занятию спортом и физической культурой. Оргкомитетом проведения Эстафеты огня в МР «Оленекский эвенкийский национа...

14:19, 11.04.2024

Соревнования «Игры орончикан» по северному многоборью среди Арктических ДОУ

8 апреля 2024 года МАН РС(Я) и МБДОУ д\с «Эннэкээн» совместно с ДЮСШ с Оленек и МКУ «Управления образования» провели вторые дистанционные Республиканские соревнования по...

Комментарии0

Еще нет аккаунта?

Регистрация