Өлөөҥҥө эдэр ыалларга дьиэ туттуутугар үбүлээһин сертификаттара туттарылыннылар

Бу дьыл кулун тутар ый 25 күнүгэр Өлөөн эбэҥки национальнай оройуонун дьаһалтатын аактабай саалатыгар элбэх оҕолоох эдэр ыалларга олорор усулуобуйаларын тупсарыыга анаммыт тус сыаллаах муниципальнай бырагырааманан үбүлээһин көрүллэн үөрүүлээх быһыыга-майгыга анал “Жилищнай сертификаттары” туттарыы тэриллэн ыытылынна.

Эдэр ыаллары дьиэлээһин муниципальнай бырагырааманан 2009 сылтан оройуон үрдүнэн 216 эдэр ыаллар туһананнар бэйэлэрэ дьиэлээх-уоттаах буолуулара хааччыллыбыт. Үүммүт 2022 сылга оройуон үрдүнэн 20 эдэр, элбэх оҕолоох ыалларга уочараты тутуһан үбүлээһин көрүллүбүт. Ол иһигэр Өлөөн сэлиэнньэтигэр 12 эдэр ыалга, Кирбэй сэлиэнньэтигэр 5 ыалга уонна Дьэлиҥдэ сэлиэнньэтигэр 3 эдэр ыалларга үбүлээһин көрүллүбүт.

Подробнее: https://сарданагазета.рф/article/48146