Төрөөбут төрүт тылы билиигэ аналлаах тэрээһин

Төрөөбут төрүт тылы билии билиҥҥи кэмҥэ суолтата улахан. Тыл омук тыына, кута-сүрэ, баайа-дуола. Үүнэр көлүөнэҕэ ийэ тылбытынан сайа саҥаран доҕордоһуу, сомоҕолоһуу, үтүө санаалаах буолуу дириҥ өйдөбүлүн толору этэр туһугар, республикаҕа оҕолор ортолоругар  айар үлэ араас курэхтэьиитэ ыытыллар . Ол курдук, тохсунньу ый 16чыыһылатыттан олунньу ый 25 күнүгэр дылы, Төрөөбүт тыл, сурук-бичик күнүгэр аналлаах айар үлэ «ТӨРӨӨБҮТ ТӨРҮТ ТЫЛ-2023» диэн оҕолорго республика  курэҕэ , Саха Республикатын Культураҕа уонна Духовностька Министерствотын тэрээһининэн, Саха Республикатын Үөрэҕириигэ  уонна Наукаҕа  Министерствотын өйөбүлүнэн , дистанционнай форманан  буолан ааста. Бу күрэххэ республика араас оскуолаларыттан уопсайа 200-чэкэ үөрэнээччи төрөөбут төрүт тылы билиигэ  айар улэ араас хайысхаларыгар кыттан билиилэрин уонна сатабылларын, айар-тутар дьоҕурдарын тургутустулар. Хоһоон-кэпсээн айыытын тэҥэ,оҕолор ырыа-тойук көрүҥэр эмиэ күрэхтэстилэр. Ол курдук , манна чуолаан, оҕо сөптөөхтүк ыллыырын тэҥэ, кини  төрөөбут тылын төһө баһылыыра, сөпкө саҥарара, көрөөччүлэргэ тириэрдэрэ  эмиэ сыаналанар.

Бу күрэххэ Харыйалаах нэһилиэгиттэн, Өлөөннөө5у оҕо искусствотын оскуолатын үөрэнээччитэ Каролина Николаева кыттан Лауреат 2-с үрдэлин ылан кыайыы көтөллөннө, оттон кини салайааччыта Е.Г.Кайдалова “Бастыҥ салайааччы” аатын ылан урдук ситиһиилэннэ.

Маннык тэрээһиннэр билиҥҥи кэмҥэ ордук тоҕоостоохторун бэлиэтээн туран, оҕону сахалыы сайаҕастык саҥарарын кэҕүлүөҕүҥ, аһара нууччатыйыыга охтумуоҕун диэн төрөппүттэри, иитээччилэри ыҥырыахпын баҕарабын.

                                  Е.Г.Кайдалова, Өлөөннөө5у о5о искусствотын

оскуолатын уьуйааччыта