Өлөөн эбэҥки национальнай оройуонун олохтоохторугар

17:04, 20.01.2024

*Сомоҕолуу буолуоҕуҥ!*

“Сардаҥа” хаһыат тохсунньу 17 күнүнээҕи нүөмэригэр “Өлөөммүт туһугар” диэн уопсастыбаннай хамсааһын тэриллибит туһунан суруйбуттар. Ол төрүөтэ судургу – дьону түмэргэ анаммыт эбит. Оройуоммут сайдыытыгар көмө-ньыма буоларга ананан сомоҕолоһууну көҕүлээһини мин сөбүлүү аахтым. Оройуон салалтатын бас-көс киһитэ Л.С.Иванова аатыгар араас үҥсүү кэриэтэ хамсааһыннар бааллар эбит. Кини айгыраабыт доруобуйатын көрүнэригэр, эпэрээссийэлэнэригэр, эмтэнэн үтүөрэ охсоругар ис сүрэхтэн баҕарыах оннугар, ааттарын ыйбатах дьонтон үҥсүү-харсыы киирэн, бэрэбиэркэлэри ыыттарыы баарын билэн, саха киһитин быһыытынан, сүрдээҕин сөхтүм, соһуйдум. Былыр-былыргыттан киһи ол-бу буоллаҕына, куһаҕан да буоллун, мөлтөөн да биэрдин, аттыгар сылдьааччылартан саҕалаан эйгэ иһигэр бүтүннүү биир киһи курдук, истиҥ өйөһүү, бөҕө тирэнии баара. Мин өйдүүрбүнэн, төһө да эмтэнэ сырыттар, Лена Степановна улууһун-оройуонун сайдыытын-ситиһиитин туһугар туох баар үлэтин-хамнаһын, хара маҥнайгыттан хайдах саҕалаабытай да, ол тэтимин ыһыктыбакка иилии-саҕалыы сылдьар. Туох баар аппараатын толору-ситэри тус дьаһалларынан оҥоруохтааҕы оҥотторо, ситэриэхтээҕи ситэрэ олорор дьоһун салайааччы. Бу уопсастыбаннай хамсааһын оройуон билиҥҥи туругар саамай сөптөөх быһаарыныы эбит дии санаатым. Өлөөммүт сайыннын, ситиһиилэринэн дьону түмтүн, өссө үрдүк кирбиилэргэ кынаттыы турдун, ыччаттарбытыгар билии-көрүү баар буоллун. Олохтоохтор бары түмсэн оройуоммут туһугар туох баар ыытыллар кэскиллээх үлэлэргэ кыттыһыаҕыҥ диэн баҕа санаабын тиэрдэбин.

 

Иннокентий Петрович Илларионов СӨ үтүөлээх тириэньэрэ,

Өлөөн оройуонун бочуоттаах олохтооҕо

Читайте также

12:50, 14.02.2025

Проект победителя конкурса «Архитон» на «МУУС УСТАР» будет профинансирован

💡🏗️  Команды районов разработают концепцию общественных пространств и лучший проект будет рекомендован к реализации в рамках госпрограмм создания комфортной среды. «Такой ва...

12:48, 14.02.2025

Төрөөбүт төрүт тыл күнүгэр Өлөөн Ытык кырдьаҕаһа эҕэрдэ тутта

💐Төрөөбүт төрүт тыл күнүгэр Өлөөн Ытык кырдьаҕаһа эҕэрдэ тутта Быйыл Анна Ивановна Тимофеева 95 сааһын туолбут үбүлүөйдээх кэрэ-бэлиэ түгэнинэн, урут бииргэ үлэлээбит кэлли...

10:40, 13.02.2025

Глава Якутии поздравил с Днем родного языка и письменности

Праздник отмечается 13 февраля с 1996 года В Якутии ежегодно 13 февраля отмечается День родного языка и письменности. Дата была учреждена в 1996 году указом первого президен...

Комментарии0

Еще нет аккаунта?

Регистрация