Өлөөннөөҕү историко-этнографическай түмэлгэ байыаннай сборга сылдьар Өлөөн уонна Харыйалаах 10 кылааһын үөрэнээччилэригэр «Урок мужества» ыытылынна. 

Бу уруокка күндү ыалдьыт быһыытынан Байыаннай операцияҕа кыттыыны ыла сылдьар биир дойдулаахпыт кытынна. 

Прокопий Трофимович Саввинов түмэл таһыгар ырастаныы, алгыс сиэрин толорууну оҥордо.

Уруокка методист Туяра Николаевна Петрова «Мы победим! Так было всегда» стендэ быыстапканан оҕолорго билиһиннэрии оҥордо,  Прокопий Трофимович билиҥҥи сэриигэ туттуллар сэрии сэптэрин туһунан кэпсээтэ, Өлөөн нэһилиэгин баһылыгын солбуйааччы Христофор Павлович Васильев бэйэтэ тэрийбит «Сигундэр» аһымал пуонда үлэтин ис тутулун, ханнык көмө хайдах оҥоһулларын сиһилии кэпсээтэ. Оҕолор олус  болҕомтолоохтук, ис дууһаларыттан иһийэн олорон иһиттилэр. 

Төрөөбүт дойдуга таптал, бэриниилээх буолуу, ыччаты оҕо сааһыттан патриотическай тыыҥҥа иитии билиҥҥи олохпут сүрүн ирдэбилэ. Байыаннай операция кыттыылааҕа маннык тэрээһиҥҥэ кэлэн кыттыбыта олус улахан суолталаах. 

Эйэлээх олох туһугар Ийэ дойдутугар ытык иэһин толоро сылдьар биир дойдулаахпытын дойдутун сылаас тыына, дьонун-сэргэтин алгыһа араҥаччылыы, харыстыы сырыттын. Оҕолорбут этэҥҥэ дойдуларыгар кыайыы-хотуу аргыстанан төннөн кэллиннэр.

Источник: https://t.me/s/redsardana