Өлөөн делегацията Удачнайга үбүлүөйдээх тэрээһиннэргэ кытынна

17:00, 26.07.2022

Өлөөн улууһун делегацията Удачнай куоракка «Якуталмаз» трест — 65 сыллаах, «АЛРОСА» АХ — 30 сыллаах, «Удачнай» трубката — 55 сыллаах, Удачнай куорат тэриллибитэ 55 сыллаах үбүлүөйдээх тэрээһиннэригэр кыттыыны ылан кэллэ. 13 киһилээх делегацияны Кирбэй нэһилиэгин баһылыга Владислав Васильевич Николаев салайан илдьэ сырытта. Үбүлүөйдээх тэрээһиннэр олус киэҥ далааһыннаахтык аастылар. Биһиги делегациябыт от ыйын 14 күнүгэр «Горняцкая Слава» өйдөбүнньүк мемориалыгар ыытыллыбыт миитиҥҥэ, ол киэһэ «Слава вам, алмазодобытчики!» үөрүүлээх быһыыга-майгыга ыытыллыбыт биэчэргэ кыттыыны ылла.

Сарсыҥҥы күн делегация Удачнай куорат баһылыга Приходько А.В. кытта боппуруос-эппиэт диэн форматтаах көрсүүһүүгэ кытынна. Баһылык Өлөөн ыччаттарыгар өйдөбүнньүк бэлэхтэри туттартаата. Биһиги өттүбүтүттэн делегация салайааччыта Николаев В.В. уонна «Өлөөн» МУП дириэктэрэ Егоров А.П. кэккэ боппуруостары туруорустулар. Ол курдук, урут Өлөөн оройуона «Юбилейная» диэн базалаах эбит. Билигин ол база турар сиригэр көҥүл ылан, перевалочнай база тэрийиэхтэрин баҕаралларын уонна куорат олохтоохторун сынньатар (табаны аҕалан) баҕа санаалаахтарын, ол туһугар дьиэ-уот, табалары мэччитэр сир наадатын этиннилэр. Маннык сынньанар базаны табаһыт удьуорун салгыы тэнитэ сылдьар Степановтар дьиэ-кэргэттэрэ тэрийиэхтэрин сөбүн эттилэр.

Куорат баһылыга бу боппуруостар инники кэскиллээхтэрин бэлиэтээн туран олоххо киллэриигэ күүскэ үлэлэһиэхпит диэн эрэннэрдэ.


Подробнее: https://xn--80aaaaaqemr0d4akx.xn--p1ai/article/65400

Читайте также

16:08, 26.01.2023

Итоги года малый бизнес района

Урбааны өйүүр Киин үлэтэ саҥа таһымҥа тахсар Өлөөн эбэҥки национальнай оройуона Саха Өрөспүүбүлүкэтин хотугу оройуоннарын ортотугар кэлин сылларга социальнай-экэнэмиичэскэй сайдыы...

16:08, 25.01.2023

Коллектив ГБУ РС (Я) » Оленёкский историко-этнографический музей народов Севера» от всей д...

Любой появившийся на свет ребенок получает от своих родителей в дар имя, которое влияет на его характер и судьбу. Все имена имеют свою историю, а также своего Ангела Хранителя. Имя...

15:42, 25.01.2023

С Днем российского студенчества!

Для многих из нас студенческие годы – самые счастливые. Именно в этот период мы начинаем взрослую жизнь, мечтаем, строим планы на будущее и живем самой яркой и насыщенной жизнь...

Комментарии0

Еще нет аккаунта?

Регистрация