Дэткитва кунакар. Туундара оҕотобун.

Хоту дойдубутугар күүтүүлэх самаан сайыммыт сатыылаан кэлэн, айылҕабыт күөҕүнэн симэннэ, чыычаах дьырылас ырыатынан дойдубутун толордо.

“Кэрэчээнэ” уһуйааҥҥа оҕо көмүскэлин бырааһынньыга атын тыыннаах, бэт сэргэхтик «Дэткитва кунакар»диэн ааттанан ыытылынна.

Эбэҥкибит тыла, сиэрэ-туома симэлийбэтин туһуттан оҕолору ырыа-хоһоон, үҥкүү нөҥүө үөрэтэбит.

Бу күн төрөппүттэр, үлэһиттэр бөлөҕүнэн ураһа туруоран, киэргэтэн, толору астаах сандалы тардан оҕолорбутун бырааһынньыкка ыҥырдыбыт.

Хоту дьоно буоларбыт быһыытынан эһээлэрбит, аҕаларбыт бары булчуттар, сандалыларга эт, балык ас толору хотойдо, силии, хаппыт эт, балык, тыл курдук өбүгэбит аһа остуол маанылаах аһа буолла.

Оҕолор мас тардыһан бэйэлэрин кыахтарын холоннулар.

Сыл түмүгүнэн уһуйааммыт олоҕор көхтөөхтүк кыттар төрөппүттэрбитигэр махтал сурук туттарылынна.

Бырааһынньык түмүгүнэн 1 миэстэни кыра бөлөх ылла, иитээччилэр Аргунова М.П, Степанова И.Р.

2 м — улахан бөлөх, иитээччилэр Семенова М.Е, Соломонова Н В.

3 м — орто бөлөх, иитээччилэр-Николаева А.А, Охлопкова А.С. Түһүлгэни тупсаҕайдык киэргэтии иһин бэлэмэнэнии бөлөх ылла, иитээччилэр Николаева Р.Б., Афанасьева Т. И.

Бырааһынньыкпытын дьуохарынан түмүктээн, үөрэн-көтөн тарҕастыбыт.

Источник: https://сарданагазета.рф/article/99180