Дьэлиҥдэ табаһыттарыгар оробуочай сырыы оҥоһулунна

Оройуон дьаһалтатын баһылыгын бастакы солбуйааччы Иван Саввинов салайааччылаах 9 киһилээх оробуочай биригээдэ “Дьэлиҥдэ” таба иитэр хаһаайыстыба табаһыттарыгар оробуочай сырыыны оҥордо.

Табаһыттары кытта көрсүһүү табаны сааскы харааллааһын бириэмэтигэр сөп түбэһиннэрэн, “Дьэлиҥдэ” МУТ үс таба иитэр биригээдэлэрэ “Тамах” хараалыгар олохтонон олорор кэмнэригэр ыытылынна. Онон, ис хоһоонноох ирэ-хоро кэпсэтии тахсыбытын туһунан Иван Александрович иһитиннэрдэ.

Мунньахха “Дьэлиҥдэ” таба иитэр хаһаайыстыба дириэктэрэ Егор Иванов дьиэ табатын иитиитин сүрүн көрдөрүүлэрин тупсарыыга соруктаах, үс аҕыйах табалаах биригээдэлэри холбоон — биир бөдөҥсүйбүт таба иитэр биригээдэни тэрийии боппуруоһун туруорда.

Мунньахха кыттыыны ыланнар бэйэлэрин санааларын этиннилэр: оройуоннааҕы бэтэринээринэй сулууспа салайааччыта Анжела Николаева, “Өлөөн” таба иитэр хаһаайыстыба кылаабынай зоотехнига Марина Николаева, “Дьэлиҥдэ” нэһилиэгин дьаһалтатын тыа хаһаайыстыбатын боппуруоһугар исписэлииһэ Мария Степанова, оройуон дьаһалтатын биир кэлим диспетчерскай сулууспатын кылаабынай исписэлииһэ Прокопий Павлов.

Таба иитэр биригээдэлэр үлэһиттэрэ биир бөдөҥсүйбүт биригээдэни тэрийэн үлэлэтии боппуруоһа уруккуттан турарын этиннилэр, онон бу сыллааҕы төрөтүү кэмиттэн саҕалаан Уудьа учаастагар тахсарга уонна 1, 4, 5 №-дээх таба иитэр биригээдэлэр биир бөдөҥсүйбүт биригээдэҕэ киирэн бииргэ үлэлэһэргэ быһаарыннылар

Николай СТРУЧКОВ

Источник: https://сарданагазета.рф/article/93874

Читайте также

16:50, 24.05.2024

В историко-этнографическом музее народов Севера провели мастер класс по валянию броши

24 мая в Оленекском историко-этнографическом музее народов Севера провели мастер класс по валянию броши в технике мокрого валяния из шерсти. Мастер-класс провела Боягир Сарг...

16:08, 24.05.2024

Оленекцы активно участвуют в субботниках

В Оленекском районе продолжается активная работа по благоустройству территорий. Трудовые коллективы еженедельно выходят на субботники по очистке и наведению порядка в с...

12:49, 24.05.2024

На территории МР «Оленекский эвенкийский национальный район» введен режим «Повышенная готовност...

[video width="848" height="848" mp4="https://mr-olenek.ru/wp-content/uploads/2024/05/img_9716.mp4"][/video] В связи с началом паводкового периода с 23 мая 2024 г.. на террит...

Комментарии0

Еще нет аккаунта?

Регистрация