Ээйиктэн тэттик сонуннар

Бу күннэргэ Күннээх Ээйик нэһилиэгин дьонугар анаан эрдэ түһэриллибит сайаапкаларынан Күөх Ньурба улууһуттан 115 эдэр куурусса, ону таһынан 25 куул эбии аһылык тиэллэн кэллэ.

Түргэнник ситэр дьиэ көтөрүн тиэрдиигэ тырааныспар ороскуотун тыа хаһаайыстыбатын салаата уйунна.

Кэлбит көтөр тутатына тустаах дьоҥҥо түҥэтилиннэ. Ээйик олохтоохторо Ньурба Маалыкайын эдэр суоппар уола Михайлов Юрий Дмитриевичка суол-иис куһаҕанын аахсыбакка тиэйэн аҕалбытыгар махталларын тиэрдэллэр.

Маны таһынан бу күҥҥэ нэһилиэкпитигэр үрдүк күүрүүлээх уот ситимин тардыы үлэтэ салҕанан бара турар, остуолбалар, саҥа подстанция турдулар.

Итиэннэ муус устар 11 күнүттэн Дьокуускайтан 13 быраас кэлэн нэһилиэнньэни көрөр-истэр үлэни ыыта сылдьар.

Источник: https://сарданагазета.рф/article/94934