«Азия оҕолоро» Оонньууларга Саха сириттэн 100-тэн тахса оҕо кыттыаҕа
Саха сириттэн 120 спортсмен VII норуоттар икки ардыларынааҕы «Азия оҕолоро» оонньууларга кыттыаҕа. Саамай элбэх ахсааннаах кыттааччы көҥүл уонна греко-римскэй тустуу көрүҥнэригэр кыттыахтара . Бу туһунан Саха Өрөспүүбүлүкэтин бырабыыталыстыбатын бэрэссэдээтэлэ Андрей Тарасенко күрэхтэһии дирекциятын кытта көрсүһүүтүн кэнниттэн эттэ.
«Быйыл «Азия оҕолоро» Оонньуулар аан бастаан Приморскай кыраайга ыыттыллыахтара. Дирекцияны кытта тэрээһиҥҥэ бэлэмнэнии хаамыытын кэпсэттибит. Оонньуулар от ыйын 27 күнүгэр Владивостокка саҕаланыахтара. Саха сирин сүүмэрдэммит хамаандата 120 спортсменнаах уонна 50 тириэньэрдээх кыттар. Биһигиттэн саамай элбэх киһилээх хамаандалар тустууга, чэпчэки атлетикаҕа, харбааһыҥҥа уонна мини-футболга бааллар» — диэн бэлиэтээтэ Андрей Тарасенко.
Премьер Приморскай кыраай оонньуулары үрдүк тэрээһиннээх ыытарыгар эрэллээҕин биллэрдэ.
Көрсүһүүгэ Дирекция салайааччыта Эльмир Валитов уонна кини солбуйааччыта Михаил Сивцев кыттыыны ыллылар.
Санатан эттэххэ, бэс ыйын 26 күнүгэр Саха сирэ
VII норуоттар икки ардыларынааҕы «Азия оҕолоро» уотун Приморскай кыраайга туттарбыта. Оонньуулар Владивосток куоракка от ыйын 27 күнүттэн атырдьах ыйын 8 күнүгэр дылы ыытыллыахтара. Уопсайа 26 араас дойдуттан 1650 спортсмен кыттара күүтүллэр. Успуорт 19 көрүҥэр 273 комплект мэтээл оонньонуо.
Подробнее: https://xn--80aaaaaqemr0d4akx.xn--p1ai/article/64497
Читайте также
I ОРОЙУОННААҔЫ «ҮРЭН ХОҺУУН» ЫРЫА ТОЛОРООЧЧУЛАРЫН КҮРЭҔЭ
Ыраахтан-чугастан ыҥырыллан кэлбит Ырыа куттаах күндү көрөөччүлэрбит 2023 сыл, ыам ыйын 26 күнүгэр Үс үөстээх, өрө үллэр сүүрүктээх Өлөөн Эбэ хотун эҥэригэр, дьоллоох Улуу Тума...
Прошел заключительный этап декады «С днём российского предпринимательства» вечер отдыха дл...
27 мая в банкетном зале "Байкал" ИП Малгатаева Д. В. проходил заключительный этап декады " С днём российского предпринимательства" вечер отдыха для субъектов малого предприниматель...
Елена Голомарева убедительно побеждает в предварительном голосовании партии «Единая Россия»...
Cегодняшняя новость об убедительной победе в предварительном голосовании партии «Единая Россия» по Национальному избирательному округу №33 Голомареву Елену Христофоровну застал...
Комментарии0
Еще нет аккаунта?
Регистрация