Марианна Винокурова уонна Игорь Никифоров уочараттаах ситиһиилэрэ

Бу күннэргэ Сахабыт сиригэр араас таһымнаах спортивнай күрэхтэр ыытылла тураллар. Ол курдук, ааспыт нэдиэлэҕэ Дьокуускай куоракка боксаҕа Уһук Илин Федеральнай уокурук чөмпүйэнээтэ түмүктэннэ.

Түөрт күннээх сытыы киирсиилэр түмүктэригэр Саха сирин хамаандата 21 мэтээли ылан бэйэтэ туспа рекорд олохтоото, ол иһигэр — 6 кыһыл көмүс, 7 үрүҥ уонна 8 боруонса мэтээл.

Бу чөмпүйэнээккэ 76 кг дылы ыйааһыҥҥа Өлөөн ыччата, Өрөспүүбүлүкэ икки төгүллээх чөмпүйүөнэ Игорь Никифоров соргулаахтык кытынна. Кини быһаарыылаах эрэ киирсиигэ баһыйтаран бочуоттаах иккис миэстэҕэ таҕыста уонна төрөөбүт-үөскээбит Өлөөнүн өссө биирдэ киэҥ дорҕоонноохтук ааттатта.

Маны сэргэ, ааспыт нэдиэлэҕэ оҕунан ытыыга Арассыыйа успуордун маастарыгар кандидат Марианна Винокурова Мэҥэ-Хаҥалас баһылыгын бирииһигэр ыытыллыбыт өрөспүүбүлүкэтээҕи аһаҕас турнирга үһүс бочуоттаах миэстэни ылары ситистэ.

Подробнее: https://xn--80aaaaaqemr0d4akx.xn--p1ai/article/62252