«Өлөөн» таба иитэр хаһаайыстыбаҕа былааннаах вертолет көтүүтэ оҥоһулунна
This content has been archived. It may no longer be relevant
«Сардаҥа» хаһыат редакцията «Өлөөн» таба иитэр хаһаайыстыба табаһыттарыгар былааннаах вертолет көтүүтүн тэрийэн ыыппыт. Таба иитиитин зоотехнигын Петр Михайлович Федоровы булан таба биригээдэлэригэр күһүҥҥү маршрутка тахсар кэм саҕаланыыта тэриллэн ыытыллыбыт көтүү сүрүн түмүктэрин билиһиннэрэргэ көрдөспүккэ бэрт судургутук ылынан санаа атастаста.
— Петр Михайлович, вертолетунан көтүүгэ үбүлээһин аҕыйаҕынан бу сыллааҕы күһүҥҥү вертолет көтүүтүгэр икки эрэ табаһыттар олохторугар вертолет түһүүтэ былааннаммыта. Балаһыанньаттан хайдах таҕыстыгыт?
— Билиҥҥи кэмҥэ көһөр маршруттара чугасаһар таба иитэр биригээдэлэриттэн оҕолору икки олоххо мунньан вертолет иккитэ сылдьарын хааччыйдыбыт. Ол курдук, 2 №-дээх таба иитэр биригээдэ (биригэдьиир Андреев Д.Х.) оҕолорун, ветисписэлиистэри «Хаптаһыннаахха» олохтоох 3 №-дээх таба иитэр биригээдэҕэ (биригэдьиир Иванов Е.Д.) мунньан барыларын вертолет бастакы рейсинэн таһаардыбыт. Ол курдук, вертолет бастакы көтүүтэ 3 №-дээх таба иитэр биригээдэтиттэн 6 оҕону уонна 2 №-дээх таба иитэр биригээдэттэн 4 оҕону, ветисписэлиистэри Өлөөҥҥө таһаардыбыт.
— Ветолет иккис көтүүтүн хайдах былааннаан үлэлэттигит?
— Ветолет иккис көтүүтүн оҕолору таһаарыыга көһөр маршруттара чугас. Бастакы №-дээх таба иитэр биригээдэҕэ (биригэдьиир Степанов В.В.), 5 №-дээх биригээдэҕэ (биригэдьиир Топоров В.С.) үлэлээбит оҕолору табанан аҕалан, мунньан биир вертолет сырыытын толордубут. Ол курдук вертолет иккис көтүүтүгэр 1 №-дээх таба иитэр биригээдэттэн 10 оҕо уонна 5 №-дээх таба иитэр биригээдэттэн 3 оҕо билиини-көрүүнү ыла киирдилэр.
— Дьиэ табатын билиҥҥи туруга хайдах эбитий уонна зооветеринарнай тэрээһиннэр хайдах толоруллан иһэллэрий?
— Сайыҥҥы бириэмэҕэ үгүс өттүгэр хотугулуу-арҕааттан сөрүүн салгын үрэн табаһыттар этэллэринэн таба уопсай туруга куһаҕана суох эбит. Билиҥҥи бириэмэҕэ таба иитэр биригээдэлэр сайыҥҥы маршруттарынан күһүҥҥү маршруттарыгар тахсан иһэллэр. Хаһаайыстыба зоотехническай сулууспа ветеринарнай исписэлиистэри кытта былааннаммыт зооветеринарнай тэрээһиннэри толороннор сэлиэнньэҕэ киирдилэр.
Подробнее: https://xn--80aaaaaqemr0d4akx.xn--p1ai/article/69980
Читайте также
Летний отдых пожилых граждан на базе отдыха «Маайында»
В МР «Оленекский эвенкийский национальный район» не первый год практикуется организация летнего отдыха пожилых граждан и инвалидов на базе отдыха «Маайында». Надо признать...
Плановые работы ведутся в Шологонском наслеге
Для контроля хода завершающего этапа строительных и ремонтных работ, запланированных в 2024 году в Шологонском национальном наслеге, направлен специалист МКУ «УКСиЗИО» А. Н. ...
Семья Протопоповых участвует в фотоконкурсе от РДНТ, заходите и голосуйте!
Уважаемые жители Оленекского района! Просим поддержать семью Протопоповых в фотоконкурсе "Наша семья в эвенкийском национальном костюме" заходите и голосуйте! https://docs.goog...
Комментарии0
Еще нет аккаунта?
Регистрация