Өрөспүүбүлүкэ 100 сыллаах үбүлүөйүгэр оройуон уопсастыбаннаһын үөрүүлээх мунньаҕа тэриллэн ыытылынна

This content has been archived. It may no longer be relevant

Бу дьыл муус устар ый 26 күнүгэр Өлөөн сэлиэнньэтинээҕи А.С.Иванов аатынан култуура киинигэр Саха Өрөспүүбүлүкэтин судаарыстыбаннаһа 100 сыллаах өрөгөйдөөх үбүлүөйүгэр анаммыт оройуон уопсастыбаннаһын үөрүүлээх мунньаҕа тэриллэн ыытылынна.
Үөрүүлээх мунньах саалатыгар Саха Өрөспүүбүлүкэтин уонна оройуон оҥоруулаах күүстэрин инники сайдыытын хааччыйбыт тыыл, үлэ бэтэрээннэрэ, араас сылларга өрөспүүбүлүкэ Үрдүкү Сэбиэтин уонна оройуон, нэһилиэк Сэбиэтин депутаттарынан талыннан ситиһиилээхтик үлэлээбит советскай, хаһаайыстыбаннай тутул бэтэрээннэрэ, билиҥҥи кэмҥэ оройуон инники сайдыытын илиилэригэр ылан үлэлии-хамсыы сылдьар производство бастыҥнара, олохтоох бэйэни салайыныы дьаһалталарын салайааччылара уонна исписэлиистэрэ, оройуон уопсастыбаннай тэрилтэлэрин бэрэстэбиитэллэрэ ыҥырыылаах ыалдьыт буолан муһуннулар.
Өрөгөй ырыатын өрө тутан үөрүүлээх мунньах оробуочай президиумунг талбытын кэннэ Саха Өрөспүүбүлүкэтин судаарыстыбаннаһа олохтоммута 100 сыллаах үбүлүөйдээх дакылаатыгар тыл бэриллэр Өлөөн эбэҥки национальнай оройуонун дьаһалтатын баһылыгар Иванова Лена Степановнаҕа. Дакылаатчыт Саха Өрөспүүбүлүкэтин судаарыстыбаннаһын бөҕөргөтүүгэ сүүс сыллаах сыралаах үлэ сүрүн түһүмэхтэрин билиһиннэрдэ уонна тирээн турар соруктары торумнаата.
Дакылаат кэнниттэн Саха Өрөспүүбүлүкэтин судаарыстыбаннаһа олохтоммут сүүс сыллаах үөрүүлээх үбүлүөйүнэн эҕэрдэлээтилэр Стручков Николай Михайлович — Өлөөн–эбэҥки национальнай оройуонун кырдьаҕастарын Ытык сһүбэтин “Осикта” бэрэссэдээтэлэ, Варламов Александр Николаевич – Саха Өрөспүүбүлүкэтин эбэҥкилэрин холбоһугун Бегинэ салайааччыта, Николаев Николай Иванович – советскай уонна хаһаайыстыбаннай тутул бэтэрээнэ уонна да атын үөрүүлээх мунньах кыттыылаахтара.

Салгыы: https://xn--80aaaaaqemr0d4akx.xn--p1ai/article/54095