«Байанай — 2022» күрэх түмүктэрэ

«Байанай — 2022» булчуттар хамаанданан күрэхтэрэ балаһыанньа быһыытынан үс түһүмэхтэн турар, хамаанда састаабыгар 2 киһи киирэр. Быйылгы күрэххэ уопсайа 5 хамаанда кыттыыны ылла, ол иһигэр: «Оһур» хамаанда (Кирбэй нэһилиэгэ, Евгений Топоров хапытааннаах, Бүөтүр Федоров хоһууннаах); «Кирбэй» хамаанда (Кирбэй нэһилиэгэ, Кирилл Колодезников хапытааннаах, Христофор Христофоров хоһууннаах); «Хараап» хамаанда (Кирбэй нэһилиэгэ, Христофор Степанов хапытааннаах, Иннокентий Степанов хоһууннаах); «Выпуск-2003» (Өлөөн нэһилиэгэ, Владислав Бятинскэй хапытааннаах, Александр Егоров хоһууннаах); «Оленек-торг» хамаанда (Өлөөн нэһилиэгэ, Вольдемар Кириллов хапытааннаах, Филипп Кириллов хоһууннаах).

Бастакы түһүмэххэ 9 көрүҥнээх эстафета тэриллэн ыытылынна. Ол курдук, кыттааччылар бастаан тоҥуу хаарынан 30 миэтэрэ сири сүүрэн Бураҥҥа тиийдилэр, ол кэннэ Буран вариаторын устан баран, төттөрү олортулар. Салгыы Буран кэлин подвесткатын устууга уонна олордууга, Бураны собуоттаан балаакканы туруорар сиргэ сүүрдэн кэлэннэр хаар күрдьэн балаакканы туруорууга, анньыынан ойбону алларан уу ылыыга, оттор маһы илии эрбиитинэн эрбээн бэлэмнээһиҥҥэ, итиэннэ уот оттон ууну оргутууга, ол кэннэ балаакканы хомуйууга уонна Буранынан сүүрдэн кэлэн муус куоракка туруорууга баар сатабылларын барытын көрдөрдүлэр.

Подробнее: https://сарданагазета.рф/article/51567