Дьаһалта отчуотугар инники сайдыы боппуруостара туруорулуннулар

11:11, 18.01.2023

Бу дьыл тохсунньу ый 14 күнүгэр Өлөөн сэлиэнньэтинээҕи А.С. Иванов аатынан этнокултуура Киинигэр сэлиэнньэ олохтоохторун иннигэр Өлөөн эбэҥки национальнай оройуон дьаһалтатын 2022 сыллааҕы үлэтин отчуотун туруоруу тэриллэн ыытылынна.

Саха Өрөспүүбүлүкэтин баһылыга Ил Дархан оройуон инники сайдыытын боппуруостара сөптөөхтөрүн уонна кэскиллээхтэрин бэлиэтээн туран оройуоҥҥа инвестицияны киллэриигэ үлэни күүһүрдэрэ сорук туруоруллубут бириэмэтигэр үлэлии-хамсыы, айа-тута сылдьарбытынан киэн туттуохтаахпыт, диэн Лена Степановна бэлиэтээтэ. Салгыы муниципальнай оройуон дьаһалтатын 2022 сыллааҕы үлэтин отчуотун туруорарга тыл бэриллэр оройуон дьаһалтатын баһылыгын бастакы солбуйааччытыгар Иван Александрович Саввиновка.

Дакылаатчыт оройуон дьаһалтатын отчуота биэс сүрүн хайысхаттан турарын бэлиэтээн туран, ыытыллыбыт үлэ сүрүн ситиһиилэригэр уонна быһаарыллыбатах боппуруостарын билиһиннэрдэ. Бастатан туран, 2022 сыл түмүгүнэн оройуон экэниэмикэтин тутаах салаалара уонна нэһилиэнньэ олоҕун-дьаһаҕын хааччыйар тэрилтэтиһгэр бөҕө туруктаахтык үлэлээһиннэрэ ситиһиллибит. Капитальнай тутуу салаатыгар бары былааннаммыт тутуулар бириэмэтигэр тутуллан үлэҕэ киллэриллэрэ хааччыллыбытын дакылаатчыт бэлиэтээтэ. Ол курдук оройуоҥҥа бэдэрээтинэй тутуунан тутуллан үлэҕэ киирэр дьон олорор дьиэлэрэ бары толору хааччыллыылаах буолара ситиһиллибит.

Үбүлүөйдээх сылга оройуон төрүт салаатын — таба иитиитин ахсаан өттүнэн элбиирин ситиһиллибитэ биир улахан ситиһии быһыытынан сыаналанна. Маны тэҥэ дакылаатчыт оройуоҥҥа олохтоох бородууксуйатын оҥорон таһаарыыга ситэ быһаарыллыбатах боппуруостар баалларын, оройуоҥҥа ынах, сылгы-сүөһү ахсаана намтааһына таһаарылла турарын. Түргэнник дохуот биэрэр тыа хаһаайыстыбатын салааларын сайыннарыыга үлэ-хамнас ситэ тэриллибэтэҕэ ыйылынна.

Дьаһалта отчуотун түмүктүүр чааһыгар мунньаҕы салайан ыыппыт оройуон дьаһалтатын баһылыга Лена Степановна нэһилиэнньэ туруорар боппуруостарын үөрэтэн баран толорууга ыларга анал былааннаах үлэни ыытарга бэлэмин биллэрдэ.

Отчуоттуур мунньах түмүгүнэн дьаһалта үлэтин биһирииргэ диэн этиини ылынан, мунньах кыттыылаахтара биир санаанан куоластаатылар.

Подробнее: https://xn--80aaaaaqemr0d4akx.xn--p1ai/article/86570

 

Читайте также

10:42, 30.05.2023

I ОРОЙУОННААҔЫ «ҮРЭН ХОҺУУН» ЫРЫА ТОЛОРООЧЧУЛАРЫН КҮРЭҔЭ

Ыраахтан-чугастан ыҥырыллан кэлбит Ырыа куттаах күндү көрөөччүлэрбит 2023 сыл, ыам ыйын 26 күнүгэр Үс үөстээх, өрө үллэр сүүрүктээх Өлөөн Эбэ хотун эҥэригэр, дьоллоох Улуу Тума...

10:03, 30.05.2023

Прошел заключительный этап декады «С днём российского предпринимательства» вечер отдыха дл...

27 мая в банкетном зале "Байкал" ИП Малгатаева Д. В. проходил заключительный этап декады " С днём российского предпринимательства" вечер отдыха для субъектов малого предприниматель...

15:50, 29.05.2023

Елена Голомарева убедительно побеждает в предварительном голосовании партии «Единая Россия»...

Cегодняшняя новость об убедительной победе в предварительном голосовании партии «Единая Россия» по Национальному избирательному округу №33 Голомареву Елену Христофоровну застал...

Комментарии0

Еще нет аккаунта?

Регистрация