Дьаһалта отчуотугар инники сайдыы боппуруостара туруорулуннулар
Бу дьыл тохсунньу ый 14 күнүгэр Өлөөн сэлиэнньэтинээҕи А.С. Иванов аатынан этнокултуура Киинигэр сэлиэнньэ олохтоохторун иннигэр Өлөөн эбэҥки национальнай оройуон дьаһалтатын 2022 сыллааҕы үлэтин отчуотун туруоруу тэриллэн ыытылынна.
Саха Өрөспүүбүлүкэтин баһылыга Ил Дархан оройуон инники сайдыытын боппуруостара сөптөөхтөрүн уонна кэскиллээхтэрин бэлиэтээн туран оройуоҥҥа инвестицияны киллэриигэ үлэни күүһүрдэрэ сорук туруоруллубут бириэмэтигэр үлэлии-хамсыы, айа-тута сылдьарбытынан киэн туттуохтаахпыт, диэн Лена Степановна бэлиэтээтэ. Салгыы муниципальнай оройуон дьаһалтатын 2022 сыллааҕы үлэтин отчуотун туруорарга тыл бэриллэр оройуон дьаһалтатын баһылыгын бастакы солбуйааччытыгар Иван Александрович Саввиновка.
Дакылаатчыт оройуон дьаһалтатын отчуота биэс сүрүн хайысхаттан турарын бэлиэтээн туран, ыытыллыбыт үлэ сүрүн ситиһиилэригэр уонна быһаарыллыбатах боппуруостарын билиһиннэрдэ. Бастатан туран, 2022 сыл түмүгүнэн оройуон экэниэмикэтин тутаах салаалара уонна нэһилиэнньэ олоҕун-дьаһаҕын хааччыйар тэрилтэтиһгэр бөҕө туруктаахтык үлэлээһиннэрэ ситиһиллибит. Капитальнай тутуу салаатыгар бары былааннаммыт тутуулар бириэмэтигэр тутуллан үлэҕэ киллэриллэрэ хааччыллыбытын дакылаатчыт бэлиэтээтэ. Ол курдук оройуоҥҥа бэдэрээтинэй тутуунан тутуллан үлэҕэ киирэр дьон олорор дьиэлэрэ бары толору хааччыллыылаах буолара ситиһиллибит.
Үбүлүөйдээх сылга оройуон төрүт салаатын — таба иитиитин ахсаан өттүнэн элбиирин ситиһиллибитэ биир улахан ситиһии быһыытынан сыаналанна. Маны тэҥэ дакылаатчыт оройуоҥҥа олохтоох бородууксуйатын оҥорон таһаарыыга ситэ быһаарыллыбатах боппуруостар баалларын, оройуоҥҥа ынах, сылгы-сүөһү ахсаана намтааһына таһаарылла турарын. Түргэнник дохуот биэрэр тыа хаһаайыстыбатын салааларын сайыннарыыга үлэ-хамнас ситэ тэриллибэтэҕэ ыйылынна.
Дьаһалта отчуотун түмүктүүр чааһыгар мунньаҕы салайан ыыппыт оройуон дьаһалтатын баһылыга Лена Степановна нэһилиэнньэ туруорар боппуруостарын үөрэтэн баран толорууга ыларга анал былааннаах үлэни ыытарга бэлэмин биллэрдэ.
Отчуоттуур мунньах түмүгүнэн дьаһалта үлэтин биһирииргэ диэн этиини ылынан, мунньах кыттыылаахтара биир санаанан куоластаатылар.
Подробнее: https://xn--80aaaaaqemr0d4akx.xn--p1ai/article/86570
Читайте также
Якутский боец Гаврил Семёнов стал чемпионом России по миксфайту
Чемпионат страны проходит в дагестанском городе Каспийск. На пути к победе Гаврил Семенов провел три боя. В финале победил соперника болевым приемом на ногу💪🏼 Напомним, Гавр...
В Жилинде прошли соревнования среди семейных команд «Байанай курэ5э»
[video width="480" height="848" mp4="https://mr-olenek.ru/wp-content/uploads/2024/04/img_1850.mp4"][/video] Тем временем, в наслегах проходят традиционные весенние мер...
Многодетная семья Боягир участвуют в фотоконкурсе от Национального центра «Симэх»
✊ Друзья! Просим поддержать наших Саргы и Яна Боягир на фотоконкурсе национальных костюмов «Моя семья» в рамках празднования дня Республики Саха (Якутия) перейдя по ссылке http...
Комментарии0
Еще нет аккаунта?
Регистрация