Михаил Николаевич Семёнов-Амака сырдык аатыгар, 1 оройуоннааҕы «Амака ааҕыылара» буолан ааста

17:31, 27.11.2023

Арассыыйага уһуйааччы уонна Аҕа сылыгар, Өрөспүүбүлүкэҕэ Үлэ, улууска Эбэҥки тылын сылларыгар аналлаах Өлөөн эбэҥкилэрин биир чулуу уола Михаил Николаевич Семёнов-Амака сырдык аатыгар, төрөөбүтэ 90 сааһыгар аналлаах 1 оройуоннааҕы «Амака ааҕыылара» дьиэ кэргэнинэн эбэҥкилии ньимнакааны уонна Амака хоһооннорун толоруу курэҕэ ыытылынна.

Сарыы таҥаһынан бүрүллэн, Халлааҥҥа көтүөх курдук өрүкүйэн, өбүгэлэрим дьиэлэрэ – ураьа туундара ортотугар турдаҕа. Үйэтигэр үтүмэни көрдө5ө, эдэр табаһыт үөрүүтүн, уот курдук таптал төлөнүн, ийэ буолар дьолу өйдөөтөҕө, уот умуллар тымныы суоһун, аас дьыл ыарахаттарын…                                       «Илкит» киин фойетыгар өбүгэлэрбит ураһа дьиэлэрэ үтүмэн үйэлэри уҥуордаан билиҥҥи култуураҕа холбоһон олохтоммут бэйэтэ туспа уөрэҕин аныгы ыччакка кэпсии-ипсии турда.

Былыр былыргыттан көс олохтоох эбэҥкилэр киэҥ сиринэн тайаан таба иитэн, бултаан, балыктаан таас Дьааҥы уонна Уудьа туундаратынан көьө сылдьыбыттара. Оччотоогу кэм барыта Михаил Семёнов-Амака хоһоонноругар суруллан хаалбыттар.

Михаил Семёнов-Амака кыргыттара Валентина, Мира Михайловналар «АМАКА ааҕыылара» күрэх кыттааччыларыгар эҕэрдэ тылы тиэртилэр.

Бүгүн биһиги түһүлгэбитигэр Ньимнакаан күрэҕэр кыттар дьиэ кэргэн күн күбэй ийэлэр эбэҥки норуотун биир сүрүн аһын  алгыстаах алаадьыны астаан, минньигэс сытын таһааран күрэх саҕаланыыта мустубут дьону күндүлээн өбүгэлэрбитигэр сүгүрүйүү, көҥүл ылыы бэлиэтин көрдөрдүлэр.

Мустубут дьону оройуон баһылыгын бастакы солбуйааччы Иван Саввинов эҕэрдэлиир, М. Н. Семёнов-Амака оройуон сайдыытыгар өҥөтүн, эбэҥки статуһа ылыллыытыгар, эбэҥки тыла кэскиллээх буолуутугар үлэтин бэлиэтээтэ.

 

Оттон бу күрэххэ кыттааччы дьиэ кэргэттэргэ  Михаил Семёнов-Амака кыргыттара кинематография туйгуна, ветерана, элбэх оҕо,сиэн тапталлаах ийэтэ, эбээтэ Мира Михайловна Николаева, Харыйалаах орто оскуолатын учуутала, Валентина Михайловна Толстякова, спонсордаатылар. Ветуправление начальнига  Анжелика Вениаминовна Николаева, үрдүк үөрэҕин саҥа бүтэрэн Өлөөҥҥө кэлээтин утаа Михаил Николаевич Семёнов-Амака дьиэ кэргэнигэр олорбут, үлэтин бастакы хардыыларыгар көмөлөспүт, наставниктаабыт  кэллиэгэтин  бэрт истиҥник санаан, анаабыт бирииһин кини аатыттан уола, Өлөөннөөҕү Авиапорт  авиадиспетчерэ Вениамин Николаев туттарда. Оройуоннаа5ы «Сардаца» хаьыат кэллэктиибэ (редактор Дмитрий Скороходкин),уонна күрэхтэһээччилэри бэлэмнээбит уонна спонсордаабыт «Аарык» (Светлана Дмитриева, Сандаара Протопопова), Сандал»(Людмила Заболоцкая, Ньургуйаана Степанова ), «Илькээни» Уруйдаана Николаева, Кирилл Игнатьев, Михаил Карпов) «Илкит» (Юрий Ефимов) «Илкит» ЭКЦ бары улэһиттэрэ урикиттарга көмө, эбэҥки олоҕун дьиҥнээхтик көрдөрөр түһүлгэни оҥорбуттарын бэлиэтээн, уонна өссө төгул хатылаан бу тэрээһини ыытарга көмөлөспүт бары спонсордарга культура салаатын аатыттан улахан махтал тылларын тиэрдэбит.

Источник: https://t.me/olenek_admin

Читайте также

10:41, 29.02.2024

Второй рабочий день правительственной группы в Оленекском районе

Делегация объезжает объекты сел Оленька и Харыялах. Побывали в новых котельных, проверили ход работы в строящемся жилом каменном доме, ознакомились с работой местных предпри...

10:39, 29.02.2024

В труднодоступных наслегах Оленекского района состоялся Отчет Правительства Якутии

Сегодня, прибывшая в Оленекский эвенкийский национальный район правительственная рабочая группа разделилась на две подгруппы и выехала в самые труднодоступные, отдаленные насле...

10:34, 29.02.2024

Мероприятия приуроченный 55-летию Главы Муниципального района «Оленёкский эвенкийский национальный р...

Оленек готовится к памятным мероприятиям, приуроченным 55-летию безвременно ушедшего из жизни Главы Муниципального района «Оленёкский эвенкийский национальный район» (1913-2020...

Комментарии0

Еще нет аккаунта?

Регистрация