Солоҕоннор олохтоох бородууксуйаны дэлэтиигэ үлэни саҕалаатылар

Арҕаа дойдулар олохтообут экономическай хааччахтааһыннарыттан улахан охсуута суох тахсыыны ситиһиигэ бүттүүн Российскай Федерация үрдүнэн олохтоох бэйэ оҥорор бородууксуйатын дэлэтиигэ үлэлииргэ боччумнаах сорук туруорулунна.

Бу маннык уустук кэмҥэ Солоҕон национальнай нэһилиэгин дьаһалтата (баһылык Васильева Н.И.), Ээйик агропрофилированнай оскуолатын кэлэктиибэ (дириэктэр Кучарова М.В.) нэһилиэк сиригэр-уотугар хортуоска үүннэриитин тэрийэн ыытыыны ылыстылар.

Ол курдук, бастатан туран бу саас, массыына кыһыҥҥы суолун баттаһа 1,0 т семенной хортуосканы тиэйэн аҕалары ситиспиттэр.

Ону тэҥэ, нэһилиэк олохтоохторун күүһүнэн 2 га иэннээх сири күрүөлүүргэ сиэрдийэ маһын бэлэмнээн тиэйэн киллэрбиттэр.

Бу күннэргэ үс киһилээх тутааччылар биригээдэлэрэ (биригэдьиир Романов Н.Ф.) 2 га хортуоска бааһынатын күрүөлээн бүтэрдилэр.

Подробнее: https://xn--80aaaaaqemr0d4akx.xn--p1ai/article/61557