Таба иитэр биригээдэлэргэ вертолетунан былааннаах көтүүтэ оҥоһулунна

Бу дьыл от ыйын 21 күнүгэр “Өлөөн” таба иитэр хаһаайыстыба табаһыттарыгар уочараттаах вертолет көтүүтэ тэриллэн ыытылынна. Былааннаммыт таба иитэр биригээдэлэргэ вертолет көтүүтэ уһун кэмҥэ айылҕа уустук усулуобуйатынан көһөрүллэн биир нэдиэлэ хойутаан оҥоһулунна. Билиҥҥи кэмҥэ ыытыллыбыт вертолет көтүүтүгэр таба иитэр биригээдэлэргэ сайыҥҥы кэмҥэ көмөҕө үлэлиир оскуола үөрэнээччилэрэ, эбии үлэһит күүс уонна табаһыттарга наадалаах матырыйааллар, ветеринарнай эмтэр тиэрдилиннилэр. “Сардаҥа” хаһыат редакцията таба иитэр биригээдэлэргэ вертолет былааннаах көтүүтүн тэрийэн ыыппыт “Өлөөн” муниципальнай таба иитэр хаһаайыстыба дириэктэрин Анатолий Прокопьевич Егоровы көрсөн таба хаһаайыстыба туругун билиһиннэрэргэ көрдөспүккэ бэрт судургутук ылынан санаа атастаста.

Подробнее: https://xn--80aaaaaqemr0d4akx.xn--p1ai/article/66107