Убаастабыллаах Саха сирин өрөспүүбүлүкэтин бука бары быыбардааччылара!

Убаастабыллаах Саха сирин өрөспүүбүлүкэтин бука бары быыбардааччылара!

2023 сыл балаҕан ыйын 8-9-10 күннэригэр Өрөспүүбүлүкэбит аҕа баһылыгын Ил Дарханы уонна Ил Түмэн дьокутааттарын талыахпыт.  Россия Биир Ньыгыл Өрөспүүбүлүкэтээҕи партиятынан иккис соруокка Николаев Айсен Сергеевич турбутун биһиги, сынньалаҥҥа олорор пенсионердар барыбыт ӨЙҮҮБҮТ уонна КУОЛАСТЫАХПЫТ.

Соторутааҕыта бастакы Бэрисидьиэммит, улаханнык ытыктыыр, убаастыыр киһибит Николаев Михаил Ефимович биһиги кэккэбититтэн туораабытын истэн барыбыт соһуйбуппут, хомойбуппут, итинэн сибээстээн Сахабыт Сирин бары олохтоохторугар, кини дьиэ-кэргэттэригэр дөссө төгул дириҥ кутурҕаммытын тиэрдэбит.

Ол эрэн инникитин да олох, үлэ-хамнас салгыы салҕанан барар, Михаил Ефимович салайар үлэҕэ ииппит-такайбыт уола Айсен Николаев 2018 сыллаахха балаҕан ыйыгар Ил Дарханынан талыллан 5 сыл устата Саха Сирин Өрөспүүбүлүкэтин салайааччытынан  күүскэ үлэлээн, турунуулаахтык  туруорсан, ордук бэлэмнээх, үрдүк квалификациялаах, ситиһиилээх салайааччыбыт буола үүннэ.  25 сыллааҕыта 25 саастааҕар биһиги, Өлөөн быыбардааччылара кинини итэҕэйэн, сөпкө тайанан Ил Түмэн дьокутаатынан талбыппыт, кини онтон тирэх анньынан билигин Өрөспүүбүлүкэҕэ ордук бэлэмнээх, улахан уопуттаах, былаас араас таһымнаах үлэтин бэккэ билэр, убаастыыр салайааччыбыт буола үүннэ.

Сахабыт сирин дьонун-сэргэтин олохторун-дьаһахтарын өйөөһүҥҥэ уонна сайыннарыыга үлэлэһэн кэллэ уонна үлэлиир.

Кыра холобурдары ылар буоллахха манныктар:

1. Бырайыак быһыытынан «Олохтоох каадырдары-бырамыысыланнаска» 50 тыһыынчаттан тахса олохтоох киһи хааччылынна, ол иһигэр биһиги кыракый улууспутуттан 100 тахса киһи АК АЛРОСА, Алмазы Анабара, Верхне-Мунскай хампаанньаларыгар үлэлии-хамсыы сылдьаллар.
2. «Үйэ оҕолоро» тус сыаллаах хапытаал үлэлиир, эпэкииҥҥэ тулаайах оҕолору ылбыт төрөппүттэргэ көрүллэр төлөбүр улаатта, биһиги оройуоммутугар 10-тан тахса оҕо эпиэкэҕэ иитиллэ сылдьаллар.
3. Аварийнай туруктаах дьиэттэн-уоттан көһөрүү тосхолунан 25 тыһыынча гражданин Өрөспүүбүлүкэ үрдүнэн саҥа дьиэҕэ киирбит буоллахтарына, биһиги оройуоммутугар 5000 кв.м. иэннээх дьиэлэргэ 270 гражданин киирдэ. Эмиэ Өрөспүүбүлүкэ бырагараамматынан 12 тулаайах оҕо уонна 98 эдэр ыал дьиэ туттан киирдилэр.
4. Социальнай эбийиэктэри уонна олорор дьиэлэри тутууга, өрөмүөннээһиҥҥэ уонна саҥардыыга элбэх үлэ барбытын биһиги билэбит, ол курдук биһиги оройуоммутугар: Кирбэй нэһилиэгэр 120 миэстэлээх оскуола-сад, Солоҕоон уонна Өлөөн нэһилиэктэригэр дизельнай станция, Дьэлиҥдэ уонна Өлөөн нэһилиэктэригэр 148 миэстэлээх оҕо саада, Өлөөн нэһилиэгэр почта дьиэтэ, эдэр специалистарга үс 4-туу квартиралаах дьиэлэр, 200 миэстэлээх култуура дьиэтэ, А.Иванов аатынан сквер, ыраас уу сыаҕа уонна  да атын эбийиэктэр киирдилэр. Благоустройстваҕа, суол-иис оҥоһуутугар үлэлэр сылын аайы ыытыллаллар.  Бу үлэлэр барылара биһиги оройуоммут администрацията (баһылыктарбыт Иванов А.С. уонна Иванова Л.С.) Өрөспүүбүлүкэ салалтатын кытары, чуолаан Ил Дархаммыт Николаев А.С. сүбэтинэн-аматынан, ыйыытынан-кэрдиитинэн, сөбүлэҥинэн барбыта уонна барарын биһиги олохтоохтор билэбит, сэҥээрэбит.
5. Тыа хаһаайыстыбатын сайдыытыгар улахан болҕомтотун уурар, холобур Дьэлиҥдэ МУП Кэпукээйтэн, Анаабыртан, Өлөөн МУП-тан таба атыыласпыттарын түмүгэр билигин таба ахсаана элбээтэ, Өлөөн МУП племенной хайысканан үлэлээбитэ хаһыс да сылыгар барда, оройуоммутугар билигин барыта 6000 тахса төбө иитиллэн турар
6. Субсидированнай билеттэри атыылааһын түмүгэр дьоммут-сэргэбит абыранар.
7. Өрөспүүбүлүкэтээҕи Перинатальнай уонна Кардиососудистай кииннэр, Онкологическай диспансер улэҕэ киирбиттэрэ. Биһиги арктическай улуустарбытыттан бу кииннэргэ баран эмтэнэр буоллулар.

Айсен Николаев – Өрөспүүбүлүкэ уустук өрүттэрин уонна сайдыытын, уратытын билэр, биһиги итэҕэйэр, убаастыыр, ытыктыыр, саамай уопуттаах  Ил Дархаммыт.

Өрөспүүбүлүкэбит инники сайдыытын туһугар бука бары, биир киһи курдук Айсен Сергеевиһы ӨЙҮӨХХЭЙИҤ уонна 2023 сыл балаҕан ыйын 8-9-10 күннэригэр биир киһи курдук КУОЛАСТЫАХХАЙЫҤ!

АЙСЕН  НИКОЛАЕВТЫЫН – БАРЫ  БИИРГЭБИТ!!!

                                       СЭ  норуотун  хаһаайыстыбатын үтүөлээх үлэһитэ, 70-с сыллардааҕы «Эдэр ыччаты – таба иитиитигэр» хамсааһыҥҥа үлэлэспит, 2009-2018 сс. Оройуон Сэбиэтин (Суглан) бэрэссэдээтэлинэн талыллан үлэлээбит

Григорьева Зоя Давыдовна

17.08.2023г.